Չեչնյաում 27 մարդ մահապատժի է ենթարկվել

2017 թվականի հունվարի 26-ին ենթադրաբար Չեչնյաում տեղի է ունեցել զանգվածային արտադատարանական մահապատիժ, որի հետևանքով27 մարդ է մահացել: Այս մասին հաղորդում է «Новая газета»-ն, հղելով երկու աղբյուրի ՌԴ ՔԿ Չեչնյաի վարչությունից և հանրապետության ղեկավարի աշխատակազմից:

Ինչում էին կասկածում սպանվածներին և ինչ հիմքով են նրանց բերման ենթարկել, «Новая газета»-ին հայտնի չէ:

Չեչնյաի Ներքին գործերի նախարարությունում թերթի աղբյուրը գործակալությանը փոխանցեց հունվարին բերման ենթարկված հանրապետության բնակիչների ցուցակները: Ամենաշատը՝ 28 մարդ Շալի բնակավայրից է բերման ենթարկվել: Թերթը ճշտել է նրանց հասցեները, բայց ինչ-որ բան իմանալ նրանց հետագա ճակատագրի մասին այդպես էլ չհաջողվեց: 

«Բոլոր փորձերը ինչ-որ բան իմանալ այդ մարդկանց ճակատագրի մասին բախվում էր մեր զրուցակիցների վախին: Նրանցից մեկը, Շալիի քաղաքային վարչության աշխատակիցը, ահ ու սարսափի մեջ հրաժարվեց ծանոթանալ մեր մոտ առկա ազգանունների ցուցակին և ասաց. «...Բոլորը, ում հունվարին բերման են ենթարկել Շալիում, այլևս չկան: Մի փնտրեք»», - գրում է թերթը:

Ինչպես գրում է թերթը, հունվարի 26-ի գիշերը բոլոր բերման ենթարկվածներին գնդակահարել են, որից հետո մարմինները հուղարկավորել են տարբեր գերեզմանատներում:

Zham.am