Ֆրանսիական հետախուզության նախկին աշխատակից. Ալիևը ներգրավել է մի քանի հազար սիրիացի ջիհադիստների՝ մասնակցելու Լեռնային Ղարաբաղի դեմ պատերազմին. սակայն միջազգային արձագանք չեղավ

Հայտնի պահպանողական հրապարակախոս Ալեքսանդր դել Վալեն ֆրանսիական Atlantico-ի էջերում զրուցում է հետախուզության մասնագետ Էրիկ Դենեսեի հետ, ով նրան բացատրում է ԵՄ-ի և ընդհանրապես Արևմուտքի «հակաքրիստոնեական» քաղաքականության վնասակարությունը։ Հետախույզը հակաքրիստոնեական ոգու դրսևորում է տեսնում ռուսաֆոբիայի և Ղարաբաղի հարցում Արևմուտքի պասիվ դիրքորոշման մեջ։ Միաժամանակ, զրուցակիցները թույլ են տալիս ոչ դիվանագիտական ​​արտահայտություններ Թուրքիայի և նրա դաշնակիցների հասցեին։

Ֆրանսիական հետախուզության նախկին աշխատակից Էրիկ Դենեսեն, խոսելով 2020 թվականի ղարաբաղյան պատերազմի և ադրբեջանական ագրեսիային արևմտյան աշխարհի պասիվ արձագանքի մասին, ասում է, որ սա իրական խնդիր է, որին միջազգային հանրությունը պատշաճ ուշադրություն չի դարձնում։

«Մենք իսկապես բախվեցինք (2020-ի արցախյան պատերազմի ժամանակ - Zham.am) ժողովրդին և նրանց մշակույթը արմատախիլ անելու իրական փորձի: Սա 1915 թվականի Ցեղասպանության և անվերջանալի հակահայկական ջարդերի շարունակությունն է: Եվրոպան աչք է փակում տեղի ունեցողի վրա, քանի որ ԵՄ-ում շատ քաղաքական գործիչներ, փորձագետներ, լրագրողները բառիս բուն իմաստով կաշառվում են ադրբեջանական նավթային փողերով: Այս մարդիկ ադրբեջանական քարոզչություն են տարածում: Այն բաղկացած է կոպիտ ստերից, հեշտությամբ հերքվող պատմական կեղծիքներից և փորձում է ստիպել մարդկանց մոռանալ, որ Ադրբեջանը ավտորիտար, ռասիստական ​​ռեժիմ է: Ցավոք սրտի, բռնապետ Ալիևը բավական գումար է տալիս այդ քարոզչության համար, որպեսզի այն օրինական կերպով տարածվի։

Հիշեցնեմ, որ Ալիևը իր թուրք հարևանի աջակցությամբ ներգրավել է մի քանի հազար սիրիացի ջիհադիստների՝ մասնակցելու Լեռնային Ղարաբաղի դեմ պատերազմին։ Սակայն միջազգային արձագանք չեղավ։ Ադրբեջանը շարունակում է մասնակցել եվրոպական բոլոր մարզական մրցաշարերին, նրա դեմ պատժամիջոցներ չեն կիրառվել։ Եվս մեկ անգամ եվրոպացիները քնեցին...»,-ասել է Դենեզեն ֆրանսիական Atlantico-ի էջերում:

Zham.am