Մի նայիր վերև, բայց ավելի լավ է մի նայիր Ազատություն

Մի նայիր վերև, բայց ավելի լավ է մի նայիր Ազատություն:

Մի նայիր վերև ֆիլմը նայելուց հետո մեկ էլ հոպ՝ էրևում ա Ազատություն ռադիոկայանի էս պատկերը։

Մի նայիր վերև ֆիլմում մոլորակի վրա երկնաքար ա մոտենում։ ԱՄՆ-ում իմանում են, որ երկնաքարից կարելի ա փող քերել, սկսում են քաղաքական ու մեդիա արշավներով, դիլետանտներին մեջտեղ գցելով, կաշառված գիտնականների բերանով պատմել, որ երկնաքարը հեչ էլ վտանգավոր չի, հակառակը՝ աշխատատեղեր են ստեղծվելու, սոցիալական խնդիրները վերանալու են։

Ըհը, Հայաստանին արդեն 100-րդ անգամ երկնաքար ա մոտենում, նկատի ունեմ Թուրքիան։ Հայերը սպանվում են, ոչնչացնում են նրանց մշակույթը, նվազում են մեր տարածքները, իսկ Ամերիկյան Ազատություն կոչվող կայանով նստում են դիլետանտներով ու զրպարտիչներով ժամերով խոսում, որ Թուրքիան հեչ էլ վտանգավոր չի։

Հա, հասկացանք ցեղասպանություն ա էղել, բայց դիվանագիտության մեջ չի կարելի էդպես շարժվել,- ասում ա հակալրագրող, դիվանագիտական որևէ կրթություն չունեցող Թաթուլ Հակոբյանը, այն ժամանակաշրջանում, երբ Թուրքիայի նախագահ Էրդողանը ոգեկոչում ա ցեղասպան Էնվեր փաշային, իսկ ազերին հեշտ ու հանգիստ սպանում ա Արցախի հայ աշխատավորներին, հովիվներին։

Եթե թարգմանենք, ապա ասում ա՝ վերև մի նայիր, մի տես վտանգը։

Թաթուլ Հակոբյանն այն հակալրագրողներից է, որը պաշտպանում էր այս իշխանություններին՝ վարկաբեկելով Արցախը պահող, Թուրքիային զսպող ուժերին (տե՛ս նրա 10 խմբեր, որ քննադատում են իշխանությանը հոդված-հեքիաթը)։

Մյուսը Ստեփան Գրիգորյանն ա։ Ո՞վ է նա, ի՞նչ մասնագետ է, ինչո՞ւ է հայ հանրությունը լսում նրա ձայնը։

Շատ պարզ, քանի որ նա երկնաքարից՝ Թուրքիայից պաշտպանվելու վտանգը չեզոքացնողներից է և երկնաքարը վերացնող ուժերին զրպարտողներից։ Նա ստել է, թե Հայաստանի լավագույն գեներալներից մեկը՝ Յուրի Խաչատուրովը հողեր է ծախել Ադրբեջանին։ Ապա Ամերիկայի այս սիրելի «փորձագետը» դատարանի պահանջով հրապարակային հերքել է իր ստերը։

Սա նա է, ով Ազատության եթերով ասել է, որ եթե հայերին ու ադրբեջանցիներին Ռուսաստանը թողնի մենակ, ապա Ադրբեջանը Շուշիից էլ դուրս կգա, Հադրութից էլ, քանի որ այդ տարածքները նրանց պետք չեն։ Եթե թարգմանես, այս դեպքում ոչ թե մի նայիր վերև կստացվի, այլ վաբշե հանիր աչքերդ, կուրացի։

Եվ երրորդը՝ Հրայր Թամրազյանը, որը Հայաստանի վրա երկնաքար գցողներից մեկն է։

Մի նայիր վերև ֆիլմում ԱՄՆ-ի նախագահը թռնում է երկիր մոլորակից այլ մոլորակ՝ թողնելով, որ մարդիկ երկնաքարի հարվածից վերանան։ Ահա և Թամրազյանը, որ հայերի աղետը կառուցեց, օգնեց, որ Թուրքիան հարվածի Հայաստանին, իսկ հիմա թռել է Վաշինգտոն ու շարունակում է հաջորդ երկնաքարը գցել Հայաստանի վրա։

Մի նայիր վերև ֆիլմում ԱՄՆ նախագահին ի վերջո ուտում են անհայտ մոլորակի անհայտ կենդանիները։ Ի՞նչ կլինի Թամրազյանի հետ, կլինի՞ արդարություն։

Հովհաննես Իշխանյանի ֆեյսբուքյան էջից