Նախագահի խրախճանքների մեկնարկը տրվել է Եռաբլուրից

Հերթական անգամ Կատարի պետություն մեկնելու և այնտեղ Ամանորը դիմավորելուց առաջ, Հանրապետության նախագահ Արմեն Սարգսյանը տիկնոջ հետ, դեկտեմբերի 29-ին այցելել է Եռաբլուր։

 

Մինչ այդ, 2021 թվականի ընթացքում, Արմեն Սարգսյանը տիկնոջ հետ և առանց նրա, իր սահմանադրական լիազորությունների հետ ոչ մի առնչություն չունեցող, բացառապես իր անձնական շահերից և խրախճանքից բխող այցեր է կատարել Կատարի Պետություն (նաև տարանցիկ այցերով մի քանի անգամ), Սինգապուր, Միացյալ Թագավորություն, Արաբական Միացյալ Էմիրություններ, Սաուդիան Արաբիա, Վատիկան, Իտալիա, Ֆրանսիա, Ճապոնիա, Ղազախստան, Ռուսաստան, Վրաստան (12 երկիր)։

 

Խորհրդանշական է, որ Արմեն Սարգսյանը, տիկնոջ հետ, որոշել է այցելել Եռաբլուր և սեփական աչքերով տեսնել այն հազարավոր երիտասարդների թարմ շիրիմները, որոնց կյանքի գնով նրանք անցկացնում են իրենց վայելքները, որոնց արյան հաշվին բազմապատկում են իրենց հարստությունը։

 

P.S. Մեր հասարակության մեջ այլևս քիչ չեն մարդիկ, ովքեր ամեն պատառ հաց ուտելուց և ջուր խմելուց արյան համ պիտի զգան։