Այս տարի ձեր Նոր Տարին շնորհավորելու է նախագահը` ով իր հայակործան գործը համարելով հաջողված, այդ պահին գտնվելու է Քաթարում
Դիտել նաև
«Ի հեճուկս քաղաքական հետապնդումներին և կալանքներին՝ Մայր Աթոռը պաշտպանված է հասարակության կողմից»․ Արամ Վարդևանյան
«Ես կնոջ ազգանուն վերցնո՞ղ տղա եմ». Վլադիմիր Վարդանյան
Այսպիսի ողբերգական դեպքից հետո պետք էր հրաժարական տալ»․ Քրիստինե Վարդանյան
«Չկա գեթ մի իրավունք, որ Ադրբեջանը չի խախտել հայ ռազմագերիների նկատմամբ»․ Ռուբեն Վարդանյանի փաստաբան
Բաքվում կշարունակվի Ռուբեն Վարդանյանի գործով շինծու դատավարությունը
Այս տարի ձեր Նոր Տարին շնորհավորելու է նախագահը` ով իր հայակործան գործը համարելով հաջողված, այդ պահին գտնվելու է Քաթարում։
Ձեզ շնորհավորելու է նաև վարչապետը, ով հայակործանման գլխավոր հանձնակատարն է։ Նա մաղթելու է ձեզ նորանոր հաջողություններ, սեր, երջանկություն և առողջություն։ Ու դուք մի պահ նույնիսկ կմոռանաք, որ հենց նա է բերել ձեզ անգործություն, ատելություն, դժբախտություն ու մահ։ Այդպիսինն է մարդու էությունը` մոռանալ ամեն վատը և ձգտել լավին...
Ժամը 00։00-ին, դուք ընտանեկան միջավայրում շամպայն կբացեք ու իրար ամենալավ մաղթանկներն կուղղեք։ Ու ճիշտ կանեք, քանզի բոլորիս նպատակն էլ նույնն է` ապրել ամուր, զարգացած ու խաղաղ Հայաստանում ու Արցախում։
Բայց լավին ձեր ձգտման մեջ, մի պահ վերհիշեք, թե ում շնորհիվ եք ընդհանրապես կարողանում ձգտել ու ոտնկայս բաժակ բարձրացրեք իրենց պատվին` մեր անդորրը պաշտպանողների և անմահացած հերոսների համար։
Այսօր այդ կենացում շատ ավելի շատ իմաստ կա, քան երբևէ։ Այսօր այդ կենացում շատ ավելի շատ ցավ կա, քան երբևէ։ Եվ ի վերջո, այսօր այդ կենացում շատ ավելի շատ հույս կա, քան երբևէ...
Իսկ մեզ այս վիճակին հասցրածները միանշանակ պատասխան կտան, ու շատ դաժան...
Հետևեք մեզ Facebook-ում