Բաքուն մեծ հույսեր է կապում ԱՄՆ-ի հետ ղարաբաղյան հարցում. Ալիև

Ադրբեջանի նախագահ Իլհամ Ալիևը շնորհավորել է ԱՄՆ նախագահ Դոնալդ Թրամփին Ամերիկայի Միացյալ Նահանգների անկախության օրվա առթիվ:

Ալիևի շնորհավորական ուղերձում մասնավորապես ասվում է. «Հարգելի պարոն Նախագահ, իմ ու ադրբեջանցի ժողովրդի անունից շնորհավորում եմ Ձեզ և ի դեմս Ձեզ ամերիկացի ժողովրդին ԱՄՆ ազգային տոնի՝ Անկախության օրվա առթիվ: Դիվանագիտական հարաբերությունների հաստատումից ի վեր  25 տարիների ընթացքում Ադրբեջանի և ԱՄՆ միջև բարեկամական և գործընկերային հարաբերությունները զարգանում էին դինամիկ ու բազմակողմ և հասել են ռազմավարական գործընկերության մակարդակի»:

Բացի այդ շնորհավորական ուղերձում Ալիևը անդրադարձել է նաև ղարաբաղյան հակամարտության խնդրին. «Որպես ԵԱՀԿ Մինսկի խմբի համանախագահ մեծ հույսեր ենք կապում ԱՄՆ հետ, մասնավորապես անձամբ ՁԵր այս հարցում»:

Zham.am