Հրդեհի հետևանքով այրվել է «Գինետուն» ռեստորանը

ԱՀ ՆԳՆ արտակարգ իրավիճակների պետական ծառայությունը հայտնում է. «Դեկտեմբերի 24-ին ժամը 03:19-ին ԱԻ պետական ծառայության 911 ահազանգման կենտրոնում հաղորդում է ստացվել, որ Ստեփանակերտ քաղաքի Հ. Թումանյան 36 հասցեում հրդեհ է բռնկվել: Նախնական տվյալներով այրվում է «Գինետուն» ռեստորանը: Բնակչությանն օգնություն ցուցաբերելու և հրդեհաշիջման աշխատանքները կազմակերպելու համար դեպքի վայր են մեկնել ԱԻ պետական ծառայության, փրկարարական ուժերի վարչության հրշեջ փրկարարական մասի երկու մարտական հաշվարկ և արագ արձագանքման հատուկ ստորաբաժանման օպերատիվ խումբը:

Հրդեհը մեկուսացվել է ժամը 03:40-ին , լիամարվել` ժամը 05:06-ին:

Հրդեհի հետևանքով տուժած չկա:

Նախնական տվյալների համաձայն Ստեփանակերտ քաղաքի Հ. Թումանյան 36 հասցեում ամբողջությամբ այրվել է Ստեփանակերտ քաղաքի բնակչին (ծնվ.1976թ.) պատկանող «Գինետուն» ռեստորանի երկու սենյականոց շինությունը և ներսում գտնվող գույքը:
Դեպքի առթիվ ստուգում է իրականացնում ՊՀ և ՏԱ տեսչությունը»: