Հայաստանը դեռևս վճարումներ չի ստացել ադրբեջանական AZAL ավիաընկերության թռիչքների համար

Երթուղային տուրքերի վճարման մասին բազմակողմ համաձայնագրի համաձայն՝ 2009 թվականի մարտի 1-ից Հայաստանի տարածքով բոլոր տարանցիկ թռիչքների, այդ թվում՝ AZAԼ ավիաընկերության, աերոնավիգացիոն ծառայությունների համար հաշվարկներն ու վճարների հավաքագրումն իրականացնում է EUROCONTROL միջազգային կազմակերպության երթուղային վճարների կենտրոնական գրասենյակը: Այդ մասին «Սպուտնիկ Հայաստան»-ի հարցմանն ի պատասխան՝ ասել է Հայաստանի Քաղաքացիական ավիացիայի կոմիտեն:

Աղբյուրը ընդգծում է, որ հաշվետու ամսում իրականացված թռիչքների աերոնավիգացիոն ծառայությունների դիմաց վճարների հավաքագրման ժամկետը միջինում կազմում է մոտ 2,5-3 ամիս, իսկ հոկտեմբերի 6-ից «Ադրբեջանական ավիաուղիները» սկսել են օգտագործել Հայաստանի օդային տարածքը Բաքվից Նախիջևան ուղևորային թռիչքների համար։