Տրանսպորտային հաղորդակցությունների ապաշրջափակման ակտիվ աշխատանք է ընթանում. Օվերչուկ

Հարավային Կովկասում տրանսպորտային հաղորդակցությունների ապաշրջափակման հարցի ուղղությամբ ակտիվ աշխատանք է ընթանում:

Բաքվում կայացած «Ռուս-ադրբեջանական հարաբերությունների արդի վիճակն ու հեռանկարները ինտեգրված գործընթացների համատեքստում» խորհրդաժողովում հայտարարել է Ռուսաստանի փոխվարչապետ Ալեքսեյ Օվերչուկը: Նրա խոսքով՝ տարածաշրջանում տեղի ունեցած վերջին իրադարձությունների համատեքստում տրանսպորտային-լոգիստիկ ոլորտում եզակի հնարավորություն է ստեղծվում։

«Ակտիվ աշխատանք է տարվում ապաշրջափակման ուղղությամբ»,-ասել է Օվերչուկը: Նա նաև անդրադարձել է տարածաշրջանում երկաթուղային և ավտոմոբիլային երթուղիների զարգացմանը, «Հյուսիս-հարավ», «Արևմուտք-արևելք» միջազգային տրանսպորտային միջանցքների հնարավորություններին:

Նրա խոսքով՝ նկատելի է, թե ինչ գործընթացներ են ընթանում Հյուսիսային Ամերիկայում, Հարավարևելյան Ասիայում՝ չինական «Մեկ գոտի՝ մեկ ճանապարհ» նախաձեռնության շրջանակում։ Բայց Եվրասիական տնտեսական գոտում ինտեգրման մասին քիչ է խոսվում։ Պետք է զարգացնել և անել հնարավորը միջտարածաշրջանային հարաբերություններն ամրապնդելու համար։

Աղբյուր՝ «Սպուտնիկ Հայաստան»