Այդ երկաթգծով Հայաստանը ճանապարհ կունենա դեպի Իրան և Ռուսաստան, իսկ Ադրբեջանը դեպի Նախիջևան. Մի քանի հարցեր

Կապիտուլյանտը կառավարության նիստում խոսեց «Երասխ-Ջուլֆա-Օրդուբադ-Մեղրի-Հորադիզ» երկաթգծի կառուցման շուրջ պայմանավորվածության մասին: Այդ երկաթգծով Հայաստանը ճանապարհ կունենա դեպի Իրան և Ռուսաստան, իսկ Ադրբեջանը դեպի Նախիջևան:

 

Մի քանի հարցեր.

 

1. Հայաստանի տարածքով անցնող 30-40 կմ երկարությամբ իսկ Ադրբեջանի տարածքով անցնող հարյուրավոր կիլոմետր երկաթգծերի կառուցումն ո՞վ է ֆինանսավորելու:

 

2. նիկոլի երազանքի իրականացման համար պահանջվելու է մի քանի հարյուր կիլոմետր երկարությամբ երկաթգծի կառուցում, մինչդեռ ընդամենը 30-40կմ երկարությամբ երկաթգիծ կառուցելով Ադրբեջանի երազանքն իրականություն կդառնա: «Փոխադարձության» սկզբունքով երկու երազանքներն իրականություն կդառնան միաժամանակ, թե ադրբեջանի դեպքում դա իրականություւն կդառնա շատ ավելի շուտ:

 

3. Ինչպես կապիտուլյանտն էլ նշեց, դա երկարատև նախագիծ է: Բնական է, որ Ադրբեջանն այդքան երկար չի սպասելու: Հետևաբար պիտի հարց տալ կողմերն ի՞նչ են պայմանավորվել Ադրբեջանը Նախիջևանին կապող ավտոճանապարհի մասին: Դա հենց այն կարևոր ու նուրբ թեման է, որից կապիտուլյանտը փորձում է շեղել հանրության ուշադրությունը երկաթգծի թեմայով, իսկ ալիևը դրան արդեն երկու անգամ անդրադարձել է վերջին երկու օրերին՝ նախ ՆԱՏՕ-ի գլխավոր քարտուղարի հետ հանդիպման և ապա «Էլ Փայիս» օրաթերթի հետ հարցազրույցում: