Հայը, վրացին և ադրբեջանցին... վթարի են ենթարկվել (լուսանկարներ)

Հունիսի 27-ի երեկոյան Լենինգրադի շրջանի «Սկանդինավիյա» մայրուղու 101-րդ կիլոմետրում տեղի է ունեցել ավտովթար, որի հետևանքով տուժել են քաղաքացիներ՝ ծնունդով Հայաստանից, Ադրբեջանից և Վրաստանից:

«47news»-ի տվյալներով, ծնունդով Հայաստանից վարորդի «Վոլգա 3102» մակնիշի ավտոմեքենան բախվել է ծնունդով Ադրբեջանից վարորդի  «Գազելին», որը շրջադարձ էր կատարում: 

Բախման արդյունքում «Վոլգա»-ի վարորդն ու ուղևորը (Վրաստանից) արգելափակվել են մեքենայի սալոնում: Կողքով անցնող մեքենաների վարորդները հասել են օգնության և դուրս հանել նրանց մեքենայից:

Նշվում է, որ բոլոր երեք վարորդները վնասվածքներ են ստացել:

Դեպքի առթիվ  քննություն է տարվում:

Zham.am