Ասում են, մեր զինվորը ադրբեջանցու գլխարկ է դրել, փամփուշտ գողացել, սա նշանակում է՝ զինվորը փամփուշտ չունի. Զոհրաբյան

Ասում են՝ մեր զինվորը ադրբեջանցու գլխարկ է դրել, փամփուշտ է գողացել, վերադարձել, կրակել է. իսկ դա նշանակում է, որ մեր զինվորը փամփուշտի խնդիր ունի: Այս մասին, այսօր՝ նոյեմբերի 23-ին, Ազատագրական շարժման նախաձեռնող խմբի անդամների իրազեկման ակցիայի ժամանակ հայտարարեց «Զարթոնք» կուսակցության նախագահ Արա Զոհրաբյանը։

Նա ասաց, իրենց պահանջներն են զինել առաջնագիծը, ձևավորել աշխարհազոր, ինչը չի արվում. «Մարդուն ասում ենք, սթափվիր, մի թող թշնամին ներս գա։ Մենք պատմություն գիտենք, տեսել ենք նրա վայրագությունները, էսքանից հետո զգուշության, սթափության կոչ չանե՞նք։ Մենք ասում ենք՝ փաստաթուղթը մի ստորագրեք, ի՞նչ միջանցքի կամ ճանապահի մասին կարելի է խոսել, եթե այսօր գերիներ կան Ադրբեջանում, Հայաստանի քաղաքացու անվտանգության հարցը լուծված չէ»,- ասաց նա։

Ակցիայի մասնակիցները անցնում են բուհերի մոտով, ուսանողներին իրազեկում այսօր երեկոյան ժամը 17-ին Հանրապետության հրապարակում կայանալիք հավաքի մասին։

Աղբյուր՝ NEWS.am