Երեւան-Կապան-Երեւան ավիափոխադրում այն պա՛մաններում, երբ ադրբեջանցիները օդանավակայանից ընդհամենը 200 մետրի վրա դիրքեր են դրել

Քարոզչական էլեմենտների մեծ կոնցենտրացիա պարունակող այս լուրը լավ հասկանալու եւ պատկերացնելու համար, վերջին շրջանում առնվազն գոնե մեկ անգամ պետք է այցելել Կապան։

2020 թվականի դեկտեմբերի կեսերին վարչապետի կողմից հայտարարված հայտնի բանավոր պայմանավորվածության արդյունքում, ադրբեջանցիները օդանավակայանից ընդհամենը 200 մետրի վրա դիրքեր են դրել։

Բացի նրանից, որ վայրէջք կատարող օդանավի ուղեւորը օդանավից դուրս գալիս առաջինը հնարավոր է տեսնի ադրբեջանական դրոշ, կա նաեւ օդնավի երթուղու խնդիր, քանի որ շատ մեծ հավանականությամբ օդանավը առնվազն վայրէջքի պահին հնարավոր է մուտք գործի այսպես կոչված ադրբեջանական օդային տարածք։

Մենք տեսանք , որ Ադրբեջանը ցամաքային մաքսակետեր է տեղադրում եւ այսուհետ գումար է պահանջելու Գորիս-Կապան ավտոճանապարհի իր վերահսկողության տակ գտնվող հատվածում եւ չի բացառվում, որ նույնը քաղաքականությունը իրականացնելու է նաեւ օդային սահմանի դեպքում ։

Հ.Գ. Ադրբեջանական կողմից արված լուսանկարը տեղադրում եմ զուտ նրա համար, որ ովքեր վերջին շրջանում չեն գնացել Կապան, թավշյա եւ դուխով մտքեր արտահայտելուց առաջ գոնե լուսանկարով պատկերացնեն իրավիճակը։