Միայն Նիկոլ Փաշինյանի ավտոշարասյան հեռանալուց հետո լրագրողներին թույլ տվեցին մտնել «Եռաբլուր». Տեսանյութ

Նիկոլ Փաշինյանը քիչ առաջ հեռացավ «Եռաբլուր» զինվորական պանթեոնից: Քանի որ լրագրողներին թույլ չէին տվել բարձրանալ «Եռաբլուր» անհայտ մնաց, թե արդյոք Նիկոլ Փաշինյանը մենակ էր, թե կային այլ պաշտոնյաներ:

Ըստ News.am-ի, միայն նրա ավտոշարասյան հեռանալուց հետո լրագրողներին թույլ տվեցին բարձրանալ «Եռաբլուր» պանթեոն:

Նշենք, որ այստեղ բավական մեծ թվով ոստիկաններ էին բերվել, այդ թվում կարմիրբերետավորներ:

Նշենք, որ այսօր լրանում է արցախյան երկրորդ պատերազմի ավարտի մեկ տարին: Ուղիղ մեկ տարի առաջ այս օրը Ռուսաստանի, Հայաստանի եւ Ադրբեջանի ղեկավարների միջեւ ստորագրվեց հրադադարի մասին եռակողմ հայտարարություն:

***

NEWS.am-ի նկարահանող խմբին այս պահին թույլ չեն տալիս բարձրանալ «Եռաբլուր» զինվորական պանթեոն, քանի որ այնտեղ է վարչապետ Նիկոլ Փաշինյանը:

Այստեղ են մեծ թվով ոստիկաններ, թիկնապահներ, որոնք փակել են «Եռաբլուրի» բոլոր ելքերն ու մուտքերը:

Ոստիկանները նշեցին, որ վարչապետի այցի հետ կապված ծառայողական աշխատանքներ են իրականացնում:

Նշենք, որ այսօր լրանում է արցախյան երկրորդ պատերազմի ավարտի մեկ տարին: Ուղիղ մեկ տարի առաջ այս օրը Ռուսաստանի, Հայաստանի եւ Ադրբեջանի ղեկավարների միջեւ ստորագրվեց հրադադարի մասին եռակողմ հայտարարություն: