Ջուրը թանկանում է և հանրային զրո բողոք. Գազը պերմանենտ թանկանում է և դա վաղուց չի հուզում գազ սպառողներին
Ջուրը թանկանում է և հանրային զրո բողոք:
Գազը պերմանենտ թանկանում է և դա վաղուց չի հուզում գազ սպառողներին:
Բենզինը և դիզելային վառելիքը գտնվում են ազատ աճի մեջ, բայց վարորդները դա չեն նկատում:
Սպառողական զամբյուղի համարյա բոլոր ապրանքները թանկացել են և դա սպառողը ևս անտեսում է:
Երկրի սահմաններն անհայտ են, ավելին՝ տարածքային ամբողջականությունը վաղուց նմանվել է հալչող սառույցի և դրան լուռ հետևում է բանակն ու ԱԱԾ-ն:
Պետական կոռուպցիան և պետ գնումների համակարգը վերածվել է «քյասար մտի» տարբերակի զրո վերահսկողությամբ և դա չի հուզում դատախազությանը:
Ընտրություններից առաջ սոցիալական աջակցության քողի տակ իշխանությունը ափաշքյարա ընտրակաշառք է բաժանում հիսուն հազար դրամ rate-ով և դա չի հուզում իրավական պետության և ժողովրդավարության զարգացման ջատագով քաղ. հասարակությանը և ՀԿ-երին:
ՀՀ ողջ բնակչությունը գտնվում է պարտադիր թեստավորում կոչվող պետական ռեկետի տակ, որի գները տատանվում են 7-ից 13 հազար դրամի միջակայքերում և դրան լուռ ու հնազանդ ենթարկվում է ողջ բնակչությունը թեստի հերթ կանգնելով, այլ ոչ թե պետությունից պահանջելով սոցիալական սահմանադրական պարտականության իրացում:
Հիմա հարց ՝ մեր բնակչությունը վերածվել է խուլ ու համր մի ամորֆ իշխանական կամակատարի, թե՞ լուռ ու մունջ, գիտակցված կրում է իր սխալ ընտրության պատասխանատվության բեռը:
Վլադիմիր Մարտիրոսյանի ֆեյսբուքյան էջից
Հետևեք մեզ Facebook-ում