«Ես նման հարստություն չունեմ, որի մասին խոսում են». Պուտին (տեսանյութ)

Ամերիկացի ռեժիսյոր Օլիվեր Սթոունի նոր ֆիլմում ՌԴ նախագահ Վլադիմիր Պուտինն անլուրջ է անվանել այն պնդումները, որ նա բանկային հաշիվներ ունի Կիպրոսում, հաղորդում է ՏԱՍՍ գործակալությունը: Ինչպես հաղորդվում է, այդ փաստագրական ֆիլմի վերջին չորրորդ մասը ցուցադրվել է չորեքշաբթի կաբելային «Showtime» հեռուստաալիքով:

«Ոչ, չկա և երբեք էլ չի եղել: Հիմարություն է: Եթե դա լիներ, ապա վաղուց ներկայացված կլիներ», - պատասխանեց Պուտինը Սթոունի հարցին: Սթոունի այն նկատառմանը, որ Արևելքում Պուտինին համարում են աշխարհի ամենահարուստ մարդը, նախագաը նշեց. «Ես նման հարստություն չունեմ, որի մասին խոսում են»:

Երբ Սթոունը նշեց, որ նա ավելի երջանիկ կլիներ մեծ հարստություն ունենալով, Պուտինն ընդգծեց, որ չի կարծում, որ դա մեծ երջանկություն է. «Դուք հիմա՝ ճգնաժամի պայմաններում,  կմտածեիք՝ ի՞նչ անել այդ ֆինանսական ակտիվների հետ: Որտեղ տեղաբաշխել: Եւ միայն գլխացավանք այդ ամենից», - ասաց ՌԴ առաջնորդը:

Պուտինը գովեստի խոսքեր է շռայլել նաև Սթոունին, նշելով, որ նա շատ հարուստ անձնավորություն է, քան նրանք ովքեր մեծ գումարներ ունեն բակային հաշիվներում. «Դուք ունեք ձեր կարծիքը, դուք տաղանդավոր եք: Դուք այն արտահայտելու հնարավորություն ունեք, դուք հնարավորություն ունեք ձեզանից հետո զգալի հետք թողնելու: Գումարը նման երջանկություն չի տալիս, դագաղում գրպաններ չկան, հետդ չես տանի»:

Zham.am