Պարոն Թունյան, որ ընդամենը վերջերս պատգամավորների գրպանի ծախսը ավելացավ 200 հազար դրամով, դա ինչի՞ հաշվին արվեց

Խորհրդարանի «Հայաստան» խմբակցությունն առաջարկում է հնարավորություն տալ սոցփաթեթից օգտվողներին գումարն ուղղել նաև սպառողական վարկերի մարմանը։ Կառավարություննը դեմ է, ասում է՝ մարդիկ չեն գնա հանգստաննալու, վարկերը կփակեն։ Բայց լավ օրից չէ, չէ՞, որ մարդու ձեռքը հենց գումար է ընկնում, ոչ թե ուղղում է հանգստին, այլ՝ վարկերին։ Որովհետև վարկերի տակ ճռում է։ Սոցապ փոխնախարար Ռուբեն Սարգսյանն աբսուրդ բան է ասում, ասում է՝ 72 հազար դրամը չենք ուզում քաղաքացին ուղղի բնակարանի վարձին, որովհետև 72 հազար դրամով չի կարող բնակարան ճարել։

Ասում են բարձրացրեք սոցփաթեթի գումարը, իշխանական պատգամավոր Babken Tunyanը պատասխանում է․ մենք էլ ենք ուզում, բայց տենց ասելով չէ, եթե առաջարկում եք մեծացնել, ուրեմն իմացեք, որ այդ գումարը մեծացնելը միշտ լինում է մեկ այլ ուղղության հաշվին։ Դե առաջարկեք՝ ինչի՞ց քչացնենք, որ սոցփաթեթը ավելացնենք։

Վստահ եմ, որ եթե Բաբկենը լիներ ոչ թե իշխանական պատգամավոր, ինչպես հիմա է, այլ լիներ անաչառ վերլուծաբան, ինչպես նախկինում էր, երբ աշխատում էր 168 ժամում, կգտներ մի տաս-քսան ուղղություն, թե որտեղից է հնարավոր կրճատել գումարը և ուղղել սոցփաթեթներին։

Բայց մի թեթև հարց, այնուամենայնիվ տամ․ պարոն Թունյան, որ ընդամենը վերջերս պատգամավորների գրպանի ծախսը ավելացավ ուղիղ 200 հազար դրամով, դա ինչի՞ հաշվին արվեց, խորհրդարանի ո՞ր ծախսերից կրճատվեց, որ դա ավելացավ։ Գուցե ընդդիմադիր պատգամավորների գործուղումների հաշվի՞ն էր․ մանավանդ որ դրանից հետո պատվիրակությունների կազմում հիմնականում միայն իշխանական պատգամավորներ են։ Գուցե ասե՞ք ինչի հաշվին ավելացավ ձեզ վճարվող 50 հազար դրամը՝ ամեն ամիս դառնալով 250 հազար դրամ։

Սևակ Հակոբյանի Ֆեյսբուքյան էջից