Վթարի է ենթարկվել Մոսկվա-Երևան երթուղին իրականացնող ավտոբուսը. կա 3 վիրավոր (լուսանկար)
Երեք մարդ, այդ թվում՝ երկու երեխա, տուժել են Վորոնեժի մարզում Մոսկվա-Երեւան երթուղու ավտոբուսի ջրատարն ընկնելու հետեւանքով: Այս մասին երեքշաբթի հայտնել են Ռուսատանի ՆԳՆ մարզային վարչության մամուլի ծառայությունից: Փոխանցում է NEWS.am-ը:
«Այսօր առավոտյան Վերխնեմամոնի շրջանում՝ Մ-4 «Դոն» ավտոմայրուղու 717-րդ կիլոմետրին Mercedes-Benz-ի 35-ամյա վարորդը տրանսպորտային միջոցի կառավարումը կորցրել է եւ վար ընթացել ջրատարի մեջ: Ճանապարհային պատահարի հետեւանքով 3 մարդ տուժել է: Ավտոբուսը ուղերթ էր կատարում Մոսկվա-Երեւան երթուղով, ավտոբուսի մեջ 39 մարդ է եղել»,- հայտնել են մամուլի ծառայությունից:
Գերատեսչության տեղեկություններով՝ տուժողների թվում 2 երեխա կա:
«7 տարեկան տղան Կրասնոյարսկի երկրամասի բնակիչ է, իսկ 10 տարեկան աղջիկը՝ Կոստրոմայի մարզի: Միջին ծանրության մարմնական վնասվածքներ ստացած տուժողներին տեղափոխել են Բոգուչարի հիվանդանոց»,- հստակեցրել են մամուլի ծառայությունից:
Ոստիկանությունը ստուգում է կատարում:
«Ներկայումս ոստիկանները գործադիր իշխանության համագործակցությամբ լուծում են ավտոբուսի ուղեւորներին հյուրանոցում տեղավորելու հարցը մինչեւ կժամանի հաջորդ ավտոբուսը՝ նրանց նշանակման վայրեր տեղափոխելու համար»,- հավելել են ՆԳՆ-ից:
Հետևեք մեզ Facebook-ում