Սամվել Կարապետյանը Հայաստանի էներգետիկայի ոլորտում պլանավորում է ներդնել մինչև 600 միլիոն ԱՄՆ դոլար

Էներգետիկան ցանկացած երկրի տնտեսության կայուն գործունեության հիմքն է և Հայաստանի դեպքում սա կրկնակի կարևոր է։ Այս մասին Երևանում Armenia Business Forum-ի բացման իր խոսքում նշեց «Հայ գործարարների ասոցիացիա»-ի նախագահ, «Տաշիր» ընկերությունների խմբի նախագահ Սամվել Կարապետյանը՝ ներկայացնելով «Տաշիր» ընկերությունների խմբի առաջիկա հինգ տարվա ծրագրերը։

«էներգետիկ անվտանգության ապահովման, այդ թվում՝ նոր արտադրական հզորությունների ստեղծման և էլեկտրական ցանցերի արդիականացման համար մենք պլանավորում ենք ներդնել մինչև 600 միլիոն դոլար»,- ասաց Կարապետյանը։

Կարապետյան ընդգծեց, որ միաժամանակ անհրաժեշտ է աջակցել նաև նոր արտադրություններին, որոնք կապահովեն աշխատատեղերով ու նոր տեխնոլոգիաներ կստեղծեն, կբարձրացնեն մասնագետների որակավորումը:

Այդ նպատակով մոտ 50 մլն դոլար կհատկացվի։ Եվս 30 միլիոն «Տաշիրը» մտադիր է ներդնել երիտասարդական ձեռներեցության զարգացման գործում։

Zham.am