Աննա Մկրտչյանի հոր՝ Արա Մկրտչյանի գործը դատարանում է

ԱԺ «Պատիվ ունեմ» խմբակցության պատգամավոր Աննա Մկրտչյանի հոր՝ Արա Մկրտչյանի գործով նախաքննության ավարտ է հայտարարվել և գործն ուղարկվել է դատարան: Այս մասին տեղեկացանք Դատական-տեղեկատվական համակարգից։

Գործը քննելու է Կոտայքի մարզի դատավոր Հովհաննես Ավագյանը:

Ըստ մեղադրական եզրակացության՝ Արա Հայկազի Մկրտչյանին մեղադրանք է առաջադրվել այն բանի համար, որ նա, հանդիսանալով Քասախ համայնքի ղեկավարը, օգտագործելով նույն համայնքի բնակիչների կողմից իրենից այլ կախվածության մեջ գտնվելու հանգամանքը, գույքին վնաս պատճաոելու սպառնալիքով վերջիններիս հարկաղրել է 2021 թվականի հունիսի 20-ին կայանալիք ՀՀ Ազգային ժողովի արտահերթ ընտրություններին դեմ քվեարկել «Քաղաքացիական պայմանագիր» կուսակցությանը, միևնույն ժամանակ քողարկված պահանջ է ներկայացրել քվերակել «Պատիվ ունեմ» դաշինքի օգտին, ինչպես նաև բարեգործության անվան տակ խոստացել է ծառայություններ մատուցել, ինչը կատարել է երկուսից ավելի անձի նկատմամբ:

Արա Մկրտչյանի  նկատմամբ որպես խափանման միջոց է ընտրվել ստորագրությունը՝ չհեռանալու մասին։

Աղբյուր` Փաստինֆո