Գերիների սպանության 38 դիմում է ներկայացվել, կասկածներ կան ևս 30 սպանության մասին. Եղել են նաև գնդակահարություններ. Սիրանույշ Սահակյան

Իրավապաշտպան Սիրանուշ Սահակյանը լրագրողների հետ զրույցում հայտնել է, որ գերիների խնդիրներից զատ կյանքի իրավունքի պաշտպանության հարցերով այս պահին ներկայացրել են 38 գանգատ, սակայն ուսումնասիրում են մի քանի տասնյակ գործեր, որտեղ ունեն նախնական փաստեր, որ սպանվել են գերեվարված անձինք, սակայն պարզապես սպասում են փորձաքննությունների արդյունքնքերին։

Պետք է լրացնեն այլ փաստահավաք առաքելությամբ, որպեսզի ունենան վերջնական փաթեթներ։

«Կանխատեսումներ ունենք, որ շուրջ 30 գործով կյանքի իրավունքի խախտման խնդիրներ ենք բարձրաձայնելու։ Թիվը չի ներառում բռնի անհետացումների դեպքերը։ Սպանության պարագայում ունենք մարմին, ԴՆԹ համընկնում, ապացույցներ, որ անձինք եղել են ողջ՝ Ադրբեջանի վերահսկողության ներքո, մարտական գործողությունների մասնակիցներ չէին, սակայն նրանց կամայական ձևով զրկել են կյանքից, արտադատական գնդակահարությունների են ենթարկել»,- ասաց իրավապաշտպանը։

Աղբյուր` Փաստինֆո