Մոսկվան ու Բաքուն քննարկում են խաղաղապահների մանդատը. Հիքմեթ Հաջիև

BBC-ի ադրբեջանական ծառայությանը տված հարցազրույցում ասել է Ադրբեջանի նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը հայտարարել է, որ Ռուսաստանն ու Ադրբեջանը շարունակում են Ղարաբաղում ռուս խաղաղապահների մանդատի համաձայնեցման վերաբերյալ քննարկումները։ 

«Ինչ վերաբերում է խաղաղապահների մանդատի վերաբերյալ լրացուցիչ համաձայնագրերին և լրացուցիչ իրավական մեխանիզմներին, ապա այդ կապակցությամբ կողմերի միջև նախնական շփումներ եղել են, և որոշակի քննարկումներ դեռ շարունակվում են»,- ասաց նա, հավելելով որ Ղարաբաղում ռուս խաղաղապահների գործունեությունն ու գործողություններն իրականացվում են նոյեմբերի 10-ի եռակողմ հայտարարության համաձայն, որը ստորագրել են Ադրբեջանի, Ռուսաստանի ու Հայաստանի ղեկավարները:

Ըստ Հաջիևի, ոյեմբերի 10-ի եռակողմ հայտարարությունը «քաղաքական և որոշ չափով իրավական շրջանակ» է սահմանել խաղաղապահ ուժերի համար: Ընդ որում, Հաջիևը կրկնել է Ադրբեջանի ղեկավարության պնդումներն այն մասին, թե «ողջ Ղարաբաղը Ադրբեջանի ինքնիշխան տարածք է», իսկ խաղաղապահ ուժերը միայն «ժամանակավորապես տեղակայվել են Ադրբեջանի ղարաբաղյան տարածաշրջանի որոշակի մասում»:

Zham.am