Արեւելաեվրոպացի գանգստեր Ռոման Նիկողոսյանն օգնել է իր բանդայի անդամին փախչել լողացող բանտից

Արեւելաեվրոպացի գանգստեր Ռոման Նիկողոսյանն օգնել է իր բանդայի անդամին փախչել Բրուքլինում գտնվող լողացող բանտից, հաղորդում է Report Door-ը՝ հղում անելով դատախազությանը:

Աղբյուրի համաձայն՝ Ռոման Նիկողոսյանը ծրագրում էր գումար փոխանցել «KavKaz Nation» հանցավոր խմբավորումից Դավիթ Մորդուխաեւին նրա փապուստից հետո: Նիկողոսյանը փորձել է իր մորը համոզել փախուստի դիմած Մորդուխաեւին մեքենայով դուրս բերել Նյու Յորքից: Հեռախոսազրույցում Մորդուխաեւը Նիկողոսյանին ասել է, որ պարանով իջել է 5-րդ հարկից, ապա ցատկել ջուրն ու լողացել մինչեւ ափ: Նա իր ընկերոջն ասել է, որ քիչ էր մնում մահանար եւ հավելել է, որ իշխանությունը նույնիսկ չգիտի, որ մի շաբաթ կբացակայի: Պաշտոնյաների խոսքով՝ նա հասել է Նիկողոսյանի մոր տուն:

«KavKaz»-ը հանցավոր խմբավորում է, որը զբաղվում է թմրանյութի անօրինական շրջանառությամբ, շորթմամբ եւ այլ հանցանքներով: Խմբավորումը կապ ունի Կովկասյան տարածաշրջանի, այդ թվում՝ Հայաստանի, Ուզբեկստանի եւ Ռուսաստանի մի մասի հետ: 

Աղբյուր՝ News.am