Սեֆիլյանի գործով դատական նիստը հետաձգվեց

Շենգավիթի դատարանում քիչ առաջ մեկնարկեց ու անմիջապես հետաձգվեց «Հիմնադիր խորհրդարանի» առաջնորդ ժիրայր Սեֆիլյանի գործով դատական նիստը։ Հաղորդում է «Ազատություն»-ը:

Սեֆիլյանը մեղադրվում է, զանգվածային անկարգություններ կազմակերպելու նախապատրաստության, կազմակերպված խմբի կողմից ապօրինի կերպով հրազեն, ռազմամթերք ձեռք բերելու, պահելու, ինչպես նաև շենքեր-շինություններ զավթելու նախապատրաստության մեջ։

Բացի Ժիրայր Սեֆիլյանից այս գործով անցնում են նաև Գևորգ Սաֆարյանը, Հրայր Թոփչյանը, Սասունիկ Կիրակոսյանը, Հովհաննես Պետրոսյանը, Գալուստ Գրիգորյանը և Ներսես Պողոսյանը։ Դատավորը հետաձգել է նիստը, քանի որ ամբաստանյալներից մեկի պաշտպանը չի ներկայացել դատարան։

***

Հիշեցնենք՝ այսօր Շենգավիթի դատարանի ապակեպատ դահլիճում մեկնարկել է Ժիրայր Սեֆիլյանի դատավարությունը: Դատական նիստն ընթանալու է դատավոր Տաթևիկ Գրիգորյանի նախագահությամբ:

ՀՀ քննչական կոմիտեի ՀԿԳ քննության գլխավոր վարչության վարույթում քննվող քրեական գործով 2016թ. հունիսի 22-ին Ժիրայր Սեֆիլյանին մեղադրանք էր առաջադրվել ՀՀ քրեական օրենսգրքի 235-րդ հոդվածի 2-րդ մասով։