Ես տնտեսագետ չեմ, բայց այս օրենքի նախագիծը հակատնտեսագիտական է, որպես մաթեմատիկ կարող եմ ասել, որ 100 անգամ 1 միլիոն անում է 100 միլիոն. Հովիկ Աղազարյան

Ես տնտեսագետ չեմ, բայց ասեմ, որ այս օրենքի նախագիծը հակատնտեսագիտական է: Այս մասին այսօր Ազգային ժողովում իր ելույթում ասաց «Իմ քայլը» խմբակցության անդամ Հովիկ Աղազարյանը՝ անդրադառնալով «Տեխնիկական անվտանգության ապահովման պետական կարգավորման մասին» օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթին, որը ԱԺ նիստում ներկայացրեց ՀՀ էկոնոմիկայի փոխնախարար Ավագ Ավանեսյանը: Փոխանցում է Tert.am-ը։ 

Նշենք, որ նախագծով Հայաստանում որոշակի դասի հրատեխնիկական արտադրանքի կիրառմամբ հրավառությունների կազմակերպումը կթույլատրվի միայն տոն օրերին կամ Կառավարության թույլտվությամբ, իսկ այլ դասի հրատեխնիկական արտադրանքի վաճառքի համար կսահմանվեն կանոններ։

«Քանի որ, եթե պարոն փոխնախարարն ասում է ընդամենը մեկ միլիոն դոլարի շրջանառության մասին է խոսքը, ապա ես՝ որպես մաթեմատիկ, կարող եմ ասել, որ հարյուր անգամ մեկ միլիոն անում է հարյուր միլիոն, հետևաբար չպետք է այդ մոտեցումը լինի»,-ասաց Հովիկ Աղազարյանը։

Հովիկ Աղազարյանը նշեց, որ մոտավորապես մոտեցումն այն է, որ փակենք նման արտադրանք տվող ընկերությունները: «Է դնենք փակենք, գիշերային ակումբները դնենք փակենք, որ չենք կարողանում վերահսկենք մեր անճարակությունից դնենք այդպե՞ս վարվենք, ոչ պետք է վերահսկենք»,-ասաց նա և առաջարկեց մեծացնել տուգանքների չափերը՝ տասն անգամ, քսան անգամ:

«Ոստիկանության համակարգում տեղի ունեցող բարեփոխումների արդյունքում շատ հեշտ կլինի հայտնաբերել օրինախախտումներին և տույժերի ենթարկել»,- ասաց նա: Պպատգամավորը, թեև նշեց, որ օրենքի հեղինակների նպատակը բոլորի համար ընդունելի է, բայց ճանապարհը ճիշտ չէ: «Չի եղել մի անդամ հանձնաժողովում, որ կողմ քվեարկած լինի այս նախագծին»,-ասաց նա:

Աղբյուր՝ Tert.am