ՀՀ տարածքում մոտ հազար ադրբեջանցի զինվորական է գտնվում. ԶՈՒ Գլխավոր շտաբի պետի տեղակալ
Հայաստանի տարածքում ապօրինի կերպով մոտ հազար ադրբեջանցի զինվորական է գտնվում։ Այս մասին մայիսի 27-ին լրագրողների հետ հանդիպմանն ասաց Զինված ուժերի Գլխավոր շտաբի պետի տեղակալ, գեներալ-մայոր Էդուարդ Ասրյանը:
«Շփման գծի ողջ երկայնքով դրանց թիվը չի գերազանցում հազարը»,- նշեց Ասրյանը:
Ընդ որում՝ գեներալն ընդգծեց, որ ադրբեջանցի զինվորականները լուրջ առաջադրանքներ իրականացնելու հնարավորություն չունեն: Գլխավոր շտաբը շարունակում է պնդել, որ ադրբեջանական ստորաբաժանումները շրջափակման մեջ են՝ միաժամանակ թիկունքից ունենալով մատակարարման մեկ ուղի:
Հիշեցնենք, որ չնայած շրջափակման մեջ լինելուն, Հայաստանի տարածք ապօրինի ներխուժումից ի վեր ադրբեջանական զինվորականների թիվը, ըստ պաշտոնական տվյալների, մի քանի անգամ աճել է:
Հետևեք մեզ Facebook-ում