Նոր հիստերիա Ադրբեջանում. «Խաղաղապահների շքերթը Ստեփանակերտում ուժի ցուցադրում է Բաքվի դեմ»

Հակառուսական հիստերիան ադրբեջանական մամուլում աճում է: Դրա պատճառներից մեկը մայիսի 9-ին Ստեփանակերտում տեղակայված խաղաղապահների սպասվող շքերթն է: Այս մասին գրում է Բաքվի «Зеркало» պարբերականը:

«Զորահանդեսը պարզապես տոնակատարություն չէ: Զինվորական շքերթը միշտ իր մեջ պարունակում է մի քանի բաղադրիչ, և դրանցից մեկը բանակի ուժի և որակի ցուցադրումն է: Ես (նախկին դիվանագետ, Արևմտյան Կասպյան համալսարանի պրոֆեսոր Ֆիքրատ Սադիխովը - խմբ) կարող եմ ասել, որ չհամաձայնեցված շքերթը Լեռնային Ղարաբաղի Բաքվի կողմից չվերահսկվող տարածքում համարում եմ Ադրբեջանի նկատմամբ ուժի ցուցադրություն: Նրանք ասում են, որ այս տարածքում ռուսական զորքերը անում են այն, ինչ իրենց կարծիքով անհրաժեշտ է:

Սա կարելի է համեմատել վերջերս Ռուսաստանի Պաշտպանության փոխնախարար Բուլգակովի Ստեփանակերտ կատարած այցի հետ, որը նույնպես դժգոհություն առաջացրեց Ադրբեջանում, ինչը նույնպես համաձայնեցված չէր Ադրբեջանի ղեկավարության հետ: Միևնույն ժամանակ նա ժամանեց այնտեղ առանց մեր տարածքից մուտք գործելու, այսինքն՝ օդային ճանապարհով անցավ Ադրբեջանի սահմանը՝ դա չհամաձայնեցնելով մեր որևէ մարմնի հետ: Եվ շքերթն էլ ավելի հզոր ցուցադրական քայլ է:

Ցավոք, դժվար կլինի ինչ-որ կերպ արձագանքել, արգելել, կանխել այս շքերթի անցկացումը»:

Zham.am