Տեսարանը, որը բոլորս տեսանք Սյունքի մարզպետարանում, աննախադեպ էր. Արամ Վարդևանյան
«Երկու հանգամանք եմ ցանկանում նշել․
1) Այն տեսարանը որը բոլորս տեսանք Սյունքի մարզպետարանում տեղի ունեցած <<խորհրդակցության>> ընթացքում իսկապես աննախադեպ էր։ Երբեք, կրկնում եմ՝ ԵՐԲԵՔ քննչական մարմնի բարձր պաշտոնյան և դատախազության բարձր պաշտոնյան այդպիսի ծայրահեղ ստորադասված կեցվածք և վերաբերմունք գործադիրի կողմից չեն ունեցել։ Օրենսդրությամբ երաշխավորված դատախազի ու քննիչի անկախության ՈՉՆՉԱՑՄԱՆ ՏԵՍԱՆԿԱՐԱՀԱՆՎԱԾ տեսարանն էր այդ ամենը, որտեղ իբրև վարչապետը կամ իբրև ՏՈւԺՈՂԸ նույնիսկ հանձնարարում է մարզային դատախազին ու քննիչին կատարել ԻՐ ՀԱՄԱՐ գործողություններ ու մի հատ էլ դուրս է հանում խորհրդակցությունից <<արագ գործ>> անելու համար․․․։
2) Մեղրիի քաղաքապետ Մխիթար Զաքարյանին և արժանապատիվ Սյունեցիներին <<ձերբակալելու>> և դասական իմաստով գործ <<կարելու>> համար՝ անխուսափելի է լինելու պատասխանատվությունը պատվիրատուների և կատարողների համար։ Չեմ կարող չնշել ԵՐԲԵՔ այսպիսի ծավալներով չի չարաշահվել, ապօրինաբար չի կիրառվել ձերբակալման ինստիտուտը՝ ինչքան հենց այս ժամանակահատվածում։ Առողջական խնդիր ունեցող անձի նկատմամբ թուրքին բնորոշ վարքագիծ դրսևորող և դրանից այն աստիճան բավականություն ստացող, որ մի հատ էլ տեսագրող իրավապահ ԵՐԲԵՔ չէինք տեսել․․․։ Իսկապես սա անասելի խայտառակաություն է․․»:
Արամ Վարդևանյանի ֆեյսբուքյան էջից
Հետևեք մեզ Facebook-ում