Սյունեցիները երեկ հասան իրենց նպատակին՝ դավաճան կապիտուլյանտը դուրս շպրտվեց Սյունիքից. իսկ Երևանում նա դեռ կարողանում է շրջել

Սյունեցիները նոր իմպուլս տվեցին դավաճան իշխանությունների դեմ մղվող քաղաքական պայքարին։ Նրանք երեկ կարևոր բան արձանագրեցին։ Այն, որ հանրային ճնշման միջոցով դավաճանին հեռացնելու մարտավարությունը կենսունակ է։ Սյունեցիները երեկ պայքարեցին և հասան իրենց նպատակին՝ դավաճան կապիտուլյանտը դուրս շպրտվեց Սյունիքից։ Իսկ Երևանում նա դեռ կարողանում է շրջել, գալ ու այնուամենայնիվ գիշերել կառավարական ամառանոցներում։

Ինչու՞ է այդպես։ Պատասխանը, կարծում եմ, պարզ է։ Որովհետև քաղաքական շատ ուժեր պայքարի կեսում հանկարծ լսեցին «արտահերթ ընտրություններ» արտահայտությունը ու մեկ ակնթարթում կերպարանափոխվեցին։ Հիմա նրանք զբաղված են նախընտրական շտաբների, վստահված անձանց և նմանատիպ այլ հարցերով։ Մինչդեռ ժողովրդի օրակարգը միանգամայն այլ է։ Չե՞ք հավատում, նորից դիտեք Ագարակի, Մեղրիի, Քաջարանի կադրերը։

Նորից եմ կրկնում՝ սյունեցիները երեկ ֆիքսեցին, որ դավաճանին հեռացնելու ամենաարդյունավետ և կարճ ճանապարհը հանրային ճնշումն է։ Եվ այս ճանապարհին կշահի այն քաղաքական ուժը, որը հենց այս պահից ոտքի կկանգնի ու բողոքի ալիքը կբերի Երևան, կտարածի ամբողջ Հայաստանով մեկ: Հիմա սա է անհրաժեշտն ու կարևորը:

Հրանտ Մելիք-Շահնազարյանի ֆեյսբուքյան էջից