ՊՆ շենքը շրջափակված է. Ծնողները որոշել են մինչեւ լույս մնալ ՊՆ շենքի մոտ
Անհետ կորածների եւ գերիների ծնողները որոշել են մինչեւ լույս մնալ ՊՆ շենքի մոտ եւ որոշել են թույլ չտալ, որ շենքից որեւէ մեկը դուրս գա եւ հեռանա։ Նրանք շատ չեն՝ մոտ 30-40 հոգի են։ Եւ դեմ են իրենց ակցիան լուսաբանելուն։ Իշխանությունների ներնշնչանքը, թե՝ լուսաբանումը վնասում է իրենց զավակներին հետ բերելուն, ազդեցություն է ունեցել։ Նրանք սպառնում են լրագրողների հեռախոսները ջարդել, եթե տեղում տեսանկարահանումներ կանեն։
***
Զոհված ու անհետ կորած զինծառայողների ծնողները շրջափակել են պաշտպանության նախարարության շենքը: Այս մասին «Հրապարակ»-ին հաղորդեց ՊՆ աղբյուրը: Նախարարության աշխատակիցները չեն կարողանում դուրս գալ շենքից, գնալ տուն: Մինչ այս պահը նրանք գտնվում են նախարարության շենքում: Բոլոր ելքերը փակ են: Ոստիկանության մեծ ուժեր են բերվել, սակայն որևէ գործողություն չի ձեռնարկում, չի ազդում իրավիճակի վրա: Բողոքի ակցիայի մասնակիցները համացանցով իրենց միանալու կոչեր են անում: Տեղում լրատվամիջոցների ներկայացուցիչներ չկան:
Հետևեք մեզ Facebook-ում