Վրաստանում հայկական ձուն մատչելի գներով է վաճառվում, իսկ մեզ մոտ մեկ ձվի գինը 220 դրամ է. փորձագետ

Վերջին 20 օրերին Հայաստանում արտադրված ձվերը Թբիլիսիում վաճառվում են մատչելի գներով, իսկ մեր որոշ սուպերմարկետներում եւ խանութներում վաճառվում են 220 դրամով (շուրջ 0,5 դոլար):  Այս մասին ապրիլի 2-ին լրագրողների հետ զրույցում ասաց «Հայաստանի սպառողների ազգային ասոցիացիա» ՀԿ փոխնախագահ Ռուբեն Հայթյանը: Նա հավաստիացրեց, որ Հայայստանում ձու արտադրող ձեռնարկությունները չարաշահում են երկրում անիշխանությունը: «Այս իրավիճակի համար մեղքի բաժին ունեն իշխանությունները, քանի որ վերահսկողությունը թուլացրել են: Նրանք խոսում են կոռուպցիայի դեմ պայքարի մասին, բայց սա կոռուպցիայից վատթար է»,- նշեց փորձագետը

Նա նշեց, որ Հայաստանում վերջին մի քանի ամիսներին մթերքների գնաճը դասվում է «մասամբ հիմնավորված» կարգին: «Խոսքը ալյուրի, հացի, ձվի, բուսական յուղի, նպարեղենի, բրինձի, շաքարի, ալկոհոլային եւ ոչ ալկոհոլային ըմպելիքների, մսամթերքի մասին է: Մեզ մոտ միջազգային շուկայում գնաճին զուգահեռ գները նույնպես աճում են, իսկ ահա երբ ամբողջ աշխարհում գներն ընկնում են, մեզ մոտ, չգիտես ինչու, այդպիսի միտում չի դիտվում: Հայաստանում գնաճը կապված է ոչ միայն միջազգային շուկայում իրավիճակի հետ, այլեւ արժույթի տատանումների հետ»,- շեշտեց փորձագետը: Հայթյանի պարզաբանմամբ՝ էքստեմալ իրավիճակներում պետությունը պետք է ազդեցություն գործի առաջին անհրաժեշտության ապրանքների գների վրա: «Այդպիսի արտադրանքի ներմուծմամբ եւ արտադրությամբ զբաղվող ձեռնարկությունները պետք է պետական դոտացիաներ ստանան, որ սպառողի վրա գնաճը չանդրադառնա»,- եզրափակեց փորձագետը: