2020-ին զինված ուժերում 13 ինքնասպանություն է եղել․ դատախազությունը տվյալներ է հրապարակել

ՀՀ գլխավոր դատախազությունը հրապարակել է 2020 թվականի գործունեության հաշվետվությունը, որում նաև ներկայացվել է զինվորական դատախազության գործունեության տվյալները։ Ըստ այդ հաշվետվության՝ Արցախյան 3-րդ պատերազմից առանձին, 2020թ. ընթացքում ծառայության հետ կապված մահացել է 46 զինծառայող, որոնցից  8-ը՝ հակառակորդի կողմից սպանության, 4-ը՝ սպանության, 3-ը՝ զենքի օգտագործման կանոնների խախտման, 13-ը՝ ինքնասպանության և ինքնասպանության հասցնելու, 5-ը՝ հիվանդության, 7-ը՝ ավտովթարի, 1-ը՝ մարտական հերթապահություն կրելու կանոնները խախտելու, 1-ը՝ ականի պայթյունի, 4-ը` դժբախտ պատահարի հետևանքով:

 2019թ. ընթացքում ծառայության հետ կապված մահացել է 20 զինծառայող, այդ թվում 4-ը՝ հակառակորդի կողմից : Ուսումնասիրությունը ցույց է տվել, որ ՀՀ զինված ուժերում և ԱՀ ՊԲ-ում  2020-ի ընթացքում արձանագրվել է 87 զինծառայողի մահվան դեպք, որոնցից 21-ը՝ ժամկետային զինծառայող, 30-ը՝ պայմանագրային զինծառայող, 5-ը՝ ենթասպա, 23-ը՝ սպա և 8-ը՝ պահեստազորային : 

87 զինծառայողից 46-ի մահվան դեպքերը կապված են եղել զինվորական ծառայություն անցնելու հետ, 41-ը տեղի է ունեցել զինվորական ծառայության հետ չկապված հանգամանքներում:

Մասնավորապես՝ Զինվորական ծառայություն անցնելու հետ կապված մահվան դեպքերը՝ ըստ պատճառների՝ 
8-ը՝ հակառակորդի կողմից կատարված սպանության հետևանքով, 
13-ը՝ ինքնասպանության կամ ինքնասպանության հասցնելու հետևանքով,
3-ը՝ զենքի օգտագործման կանոնների խախտման հետևանքով, 
4-ը՝ սպանության հետևանքով,
4-ը՝ դժբախտ պատահարից. 
5-ը՝ հիվանդությունից
7-ը ծառայության հետ կապված ավթովթարից 
1-ը՝ մարտական հերթապահություն կրելու կանոնները խախտելու հետևանքով 
1-ը՝ ականի պայթույնից

Զինվորական ծառայություն անցնելու հետ չկապված 41 մահվան դեպքերը՝ ըստ պատճառների՝ 
4-ը՝ ինքնասպանության կամ ինքնասպանության հասցնելու հետևանքով,
5-ը' դժբախտ պատահարից, 18-ը՝  հիվանդությունից, 
14-ը՝ ծառայության հետ չկապված ավտովթարներից։ 

Համեմատության համար նշենք, որ 2019թ. ընթացքում ՀՀ զինված ուժերում և ԱՀ ՊԲ-ում արձանագրվել էր 49 զինծառայողի մահվան դեպք, որոնցից 14-ը՝ ժամկետային զինծառայող, 22-ը՝ պայմանագրային զինծառայող, 5-ը՝ ենթասպա և 8-ը՝ սպա: 

2019թ. ընթացքում ՀՀ զինված ուժերում և ԱՀ ՊԲ-ում զինվորական ծառայություն անցնելու հետ կապված մահվան 20 դեպքն արձանագրվել էր հետևյալ պատճառներով. Զինվորական ծառայություն անցնելու հետ կապված մահվան դեպքերը՝ ըստ պատճառների՝ 
4-ը՝ հակառակորդի կողմից կատարված սպանության հետևանքով, 
7-ը՝ ինքնասպանության կամ ինքնասպանության հասցնելու հետևանքով, 
1-ը՝ զենքի օգտագործման կանոնների խախտման հետևանքով, 
1-ը՝ հիվանդությունից, 
4-ը՝ սպանության հետևանքով, 
2-ը դժբախտ պատահարից, 
1-ը՝ ծառայության հետ կապված ավթովթարից։

Զինվորական ծառայության անցնելու  հետ չկապված 29 մահվան դեպքերը՝ ըստ պատճառների 

14-ը՝ ծառայության հետ չկապված ավտովթարից, 
12-ը՝ հիվանդությւոնից
3-ը՝ ինքնասպանության կամ ինքնասպանության հասցնելու հետևանքով։

Համեմատական դիտարկումը վկայում է, որ զինված ուժերում մահվան դեպքերը նախորդ տարվա համեմատ ընդհանուր առմամաբ աճել են 38-ով կամ 77․5%-ով։