Արա Աբրահամյանը բացահայտեց հայկական լրատվամիջոցների թշվառությունը (տեսանյութ)

Երեկ Արա Աբրահամյանը հերթական այցով գտնվում էր Երևանում, իսկ հայ լրագրողներն էլ առիթը բաց չթողեցին մի շարք հարցադրումներ ներկայացնելու ՌՀՄ-ի նախագահին:

Այն հարցին, թե կանխատեսում էր արդյո՞ք Արա Աբրահամյանն անցած խորհրդարանական ընտրությունների ժամանակ գրանցված նման արդյունքներ, նա պատասխանեց՝ ոչ, նշելով, որ իր համար նման արդյունքներն անսպասելի էին, քանզի այդպիսի ցածր հասարակական լեգիտիմություն ունեցող իշխանությունը չէր կարող այդպիսի ադյունքներ արձանագրել:

Սակայն Արա Աբրահամյանը նշեց, որ ինքը հաշվի է նստելու այդ արդյունքների հետ, քանի որ ի վերջո սա է իրականությունը և հանրության մեջ մեծ ընդվզում չեղավ:

Հայ լրագրողներից մեկի այն հարցին, թե որքանով էին արդար այդ ընտրությունները, Արա Աբրահամյանը նշեց, որ այս ամենը պետք է նախ և առաջ գնահատեն հայաստանցիները, ակնարկելով, որ այս արդյունքները միայն իշխանության արդյունքը չէ, քանզի նույն լրատվամիջոցների դերակատարումն իրեն նույնպես զարմացնում է:

Նախ նա հիշեց, թե ինչպես մեկ կենտրոնից «ֆաս» հրամանով այս «անկախ» լրատվամիջոցները հարձակվեցին նրա ու նրա ընտանքթի վրա: Հետո արձանագրեց, որ ադրբեջանցիներն ավելի քիչ վնաս են տվել իրեն հայանպաստ գործունեության համար, քան հայկական լրատվամիջոցները: Ի դեպ ադրբեջանական լրատվամիջոցներն ու գործիչները, բողոքելով նրա դեմ Ռուսաստանում, հղում էին անում հիմնականում հայկական լրատվամիջոցների վրա, իսկ այն թե հավատում է Արա Աբրահամյանը, որ իշխանություններն իրենց խոստումները կկատարեն և բարեփոխումներ կանեն, Արա Աբրահամյանը շատ ճիշտ արձագանք տվեց, որ նախ պետք է հավատան ՀՀ քաղաքացիները և այն լրագրողները, ովքեր տալիս են այդ հարցը, իսկ Արա Աբրահամյանի առաքելությունը կայանում է նրանում, որ նա մաքսիմալ օգնի Հայաստանում ներդրումներ ավելացնելուն, օրինակներ բերելով, թե ինչ քայլերի է նա դիմել:

Սակայն հայ լրագրողներին այս մանրուքները չեն հետաքրքրում, որովհետև հայ լրագրողները վաղուց արդեն ապրում և գործում են բանբասանքի ժանրում, քանզի այդպիսին է պատվերը նրանց խմբագիրների կողմից: Խմբագիրներին էլ հետաքրքրում է մեկ բան՝ իրենց գործունեությունը կուռացիա կանի Ալեքսան Հարությունյանը թե Սևակ Լալայանը: Եւ այդ իմաստով այսօրվա լրատվամիջոցները իրենց լրագրողներով և խմբագիրներով  առկա քրեաօլիգարխիկ համակարգի տեղեկատվական բաժանմունքն է ներկայացնում, որոնք հավասարապես պատասպանատու են այսօրվա Հայաստանի աղետալի վիճակի համար: Ինչի մասին էլ առիթը բաց չթողնելով ակնարկեց Արա Աբրահամյանը:

Դավիթ Մկրտչյան

Տեսանյութը՝ Henaran.am-ի