«Քվեն զենք է. դիպուկ օգտագործենք». ՕՐՕ դաշինքը Նոր Հաճնում է (տեսանյութ, լուսանկար)
«Օհանյան-Րաֆֆի-Օսկանյան» դաշինքը շարորւնակում է իր քարոզարշավը Կոտայքի մարզի Նոր Հաճն քաղաքում:
Ինչպես մյուս քաղաքներում, այստեղ նույնպես ՕՐՕ դաշինքի անդամներին դիմավորեցին աղ ու հացով: Նոր Հաճնում դաշինքի անդամներին միացավ «Արաբո» ջոկատի հրամանատար Մանվել Եղիազարյանը:
Նա հանդես եկավ ելույթով և նշեց. «Այն ժամանակ, երբ հայրենիքը գալարվում է ցավերի մեջ, ամոթել է խոսել բարձր բաներից: Այսօր այստեղ հավաքվածներից և ոչ ոքի դեմքին ժպիտ չկա, նրանք մտածում են, թե ինչով են կերակրելու իրենց երեխաներին, իրենց ընտանիքներին, - ասաց նա, հավելելով, - Բարին չի կարող հաղթել՝ ամեն բան կախված է ձեզանից»:
Ելույթով հանդես եկավ նաև Նոր Հաճնում ռեյտինգային ընտրակարգով առաջադրված պատգամավորացու թեկնածու Անդրանիկ Գրիգորյանը: Նա տեղեկացրեց, որ իր քարոզարշավն իրականացնում է «Քվեն զենք է. դիպուկ օգտագործենք» կարգախոսով. «Ձեր քվեն մեր քաղաքական կյանքում այն 16.32 մմ հրացանն է, որով ձեր եղբայրները պայքարել են թշնամու դեմ»:
«Համախմբում» կուսակցության նախագահ Վարդան Օսկանյանն էլ քաղաքացիներին խնդրեց ընտրել հենց իրենց քաղաքական ուժին. «Անհամեստ չհամարեք, որ կոչ եմ անում ընդդիմադիրների ներկապնակից ընտրել մեր գույնը»: Նա նշեց, որ շատ լավ է ճանաչում դաշինքի մյուս առաջնորդներ Րաֆֆի Հովհաննիսյանին և Սեյրան Օհանյանին, բայց այս երկու ամիսների ընթացքում ավելի խորացրեց այդ երկու անձանց նկատմամբ նրա ունեցած կարծիքը:
Օսկանյանը նաև նշեց, որ ԱՄՆ-ում ուներ շատ լավ ապահով կյանք, բայց հայրենիքի կանրը ստիպեց նրան վերադառնալ Հայաստան:
Մանրամասները՝ կից տեսանյութում:
***
«Օհանյան-Րաֆֆի-Օսկանյան» դաշինքը շարորւնակում է իր քարոզարշավը Կոտայքի մարզում: Նրանց հաջորդ կանգառը Չարենցավան քաղաքն է:
Ելույթներով հանդես են գալիս դաշինքի անդամներ ՀՀ ՊՆ նախկին նախարար, գեներալ–գնդապետ Սեյրան Օհանյանը, «Ժառանգություն» կուսակցության փոխնախագահ Արմեն Մարտիրոսյանը, «Համախմբում» կուսակցության նախագահ Վարդան Օսկանյանը:
Հիշեցնենք՝ «Օհանյան-Րաֆֆի-Օսկանյան» դաշինքը Կոտայքի մարզում քարոզարշավը մեկնարկել էր Հրազդան քաղաքից: