Ռուսական կողմը կանի ամեն հնարավորը Երևան-Բաքու երկխոսության հասնելու համար. Լավրով
Մոսկվան մտադիր է շարունակել աջակցությունը Բաքվի և Երևանի միջև ուղիղ երկխոսության հաստատմանը: Բաքվում Ադրբեջանի նախագահ Իլհամ Ալիևի հետ հանդիպմանն ասաց ՌԴ ԱԳՆ ղեկավար Սերգեյ Լավրովը:
- Մենք ցանկանում ենք շարունակել աջակցություն ցուցաբերել Բաքվի և Երևանի միջև ուղիղ երկխոսության հաստատմանը Լեռնային Ղարաբաղի հակամարտության կարգավորման հարցում, - ասաց Լավրովը հանդիպմանը, հավելելով, որ ռուսական կողմը ցանկանում է, որ դրանք կայանան:
Լավրովը նաև ասաց, որ Ռուսաստանը որպես ԵԱՀԿ Մինսկի խմբի համանախագահ կանի ամեն բան այդ նպատակիկ հասնելու համար:
Հիշեցնենք, որ ավելի վաղ հաղորդել էինք, որ Ռուսաստանի արտգործնախարար Սերգեյ Լավրովը մեկնում է Բաքու՝ մասնակցելու Սևծովյան համագործակցության կազմակերպության արտգործնախարարների նիստին, որտեղ այսօր՝ դեկտեմբերի 13-ին, առանձնազրույց է ունենալու Ադրբեջանի նախագահ Իլհամ Ալիևի և արտգործնախարար Էլմար Մամեդյարովի հետ:
Zham.am