Արմավիրի քաղաքապետարանում քաղաքացուն փորձել են ծեծել. քաղաքապետը հերքում է. Տեսանյութ
Արմավիր քաղաքի բնակիչ Իշխան Միրզոյանը բողոքի ակցիա էր իրականացնում Հանրապետության հրապաակում: Իշխան Միրզոյանը զբաղվում է հողագործությամբ և այդ կերպ է պահում իր ընտանիքը: Նրա խոսքով Արմավիրի ՋՕԸ-ի աշխատակիցները խնդիրներ են ստեղծում և իրենք դժվարություններ են ունենում այգին ոռոգելու հարցում: Այս տարի ջրի խնդրի պատճառով նրա բերքը որակազրկվել է:
Մանրամասնները Politik.am -ի տեսանյութում.
Արմավիրի քաղաքապետ Դավիթ Խուդաթյանը Politik.am-ին տեղեկացրեց, որ տեղյակ է խնդրին և լուծման տարբերակներ է առաջարկել քաղաքացուն.«Տեղակալիս հետ գնացել են հողամաս, տեղում ծանոթացել են խնդրին, իրեն առաջարկել ենք ոռոգման ջուր, սոց. օգնություն: Իշխանը պահանջում է 2.000.000 դրամ փոխհատուցում, չունի հողի սեփականության վկայական, մշտապես ստացել է ոռոգման ջուր, հողը ջրվել է, նույնիսկ պայմանավորվել են մի քանի ջուր ջրելուց հետո նոր գումարը վճարվի, համաձայնել ենք: Օրեր առաջ, նաև այսօր խոսել եմ Ազիզ Թամոյանի հետ, խոստացել է կազմակերպել էլի հանդիպում, հետո խոսել եմ նաև Վարչապետի աշխատակազմի ազգային փոքրամասնությունների բաժնի աշխատակցի հետ: Հիմա էլ իր հետ հանդիպման է Արմավիրի փոխքաղաքապետը, մենք կրկին պատրաստ ենք օգնել, բայց 2.000.000 դրամը ռեալ չէ»,-ասաց քաղաքապետը՝ ավելացնելով, որ իրականությանը չեն համապատասխանում այն խոսակցությունները, թե իր ներկայությամբ փորձել են քաղաքացուն ծեծել: