«Кадры решают всё!»
Մեր օրերում այդքան էլ նորաձև չի ցիտել Ստալինին, բայց մարդը ճիշտ բան է ասել՝ Кадры решают всё! Եւ իրոք, կա մարդ ով կարող է այնպիսի դժվար գործ գլուխ բերել, որն անգամ 20 հոգի իրենից առաջ չէին կարում անեին, և հակառակը: Եթե պաշտոնի նշանակվեց սխալ կադր, ապա անգամ լավ սկսած գործը կարող է վերջում վատ արդյունք ունենալ սխալ կառավարման պատճառով:
Հիմա համացանցում շատ են քննադատում Բնապահպանական տեսչության պետ Արթուր Գրիգորյանին ու ասում են, որ իրա տեսչության եզրակացությունը Ամուլսարի հետ կապված (իբր այնեղ թիթեռներ կան կարմիր գրքում գրանցված) իրականությանը չի համապատասխանում:
Հա, իրոք, տեսչության եզրակացությունը իրականության հետ կապ չունի, ինչի մասին խոսեց նաև բնապահպանության նախարարը, բայց ես այստեղ հարց ունեմ նրանց ովքեր Արթուրին նշանակել են տեսչության պետ: Մարդն իր ողջ գիտակից կյանքում բնապահպան է եղել, ունեցել է հստակ դիրքորոշում տարբեր հարցերի շուրջ այդ թվում նաև Ամուլսարի ու հիմա եթե նա ասի՝ «Հին Արթուրը սխալ էր, Ամուլսարը անվտանգ է» ինքն իր կենսագրության մի մեծ մասի վրա խաչ կքաշի:
Մարդը չի կարող ինքն իր դիրքորոշումների դեմ տեսակետ հայտնել (եթե իհարկե շատ լուրջ ռեֆլեքսիայի ունակություններ չունի): Արթուրին տեսչության ղեկավար նշանակելը և օբյեկտիվություն պահանջելը նույնն է, ոնցոր Գեղամյանին նշանակես ԱՄՆ-ում դեսպան, իսկ Հայրիկյանին՝ Ռուսաստանում , և իրենցից պահանջես, որ իրենք փոխեն իրենց տեսակետները հիշյալ երկրների հանդեպ, որոնք իրենք տարիներ ի վեր արտահայտել են:
Չի լինում տենց բան, չի լինում։ Դրա համար կոչ եմ անում կառավարությանը այս հարցում խոհեմություն դրսևորել և շտկել կադրային քաղաքականության մեջ կատարված սխալները։
Լիկա Սվասյանի ֆեյսբուքյան էջից
Լուսանկարը՝ Արթուր Գրիգորյանի ֆեյսբուքյան էջից