Ես հող հանձնող չեմ. Նիկոլ Փաշինյան
«Փողեր են ծախսում, լրատվամիջոցներ ու ֆեյքեր են առնում, որ հայտարարեն, որ Փաշինյանը եկել է հողեր հանձնելու: Նրանք ասում են, թե եկել է հող հանձնելու: Իրենք իրենց հետ են շփոթում, որ բացի հող հանձնելուց, ուրիշ բանի մասին չեն բանակցել, ես դա գիտեմ փաստաթղթավորված, գիտեմ ով ինչ է խոսել: Ես ասել եմ, որ պատրաստ եմ Ղարաբաղի հարցով լիարժեք բանակցել Հայաստանի Հանրապետության անունից, բայց Արցախի Հանրապետության անունից պետք է բանակցի Արցախի իշխանությունները: Մենք պատրաստ ենք ազգովի ջախջախիչ հարված հասցնել Ադրբեջանի ցանկացած սադրանքի: Բայց մենք նաև պատերազմ չենք ուզում, պատրաստ ենք իրապես խաղաղ բանակցությունների: Նրանք չեն հասկանում, որ Ղարաբաղի հարցի լուծող-չլուծողը կառավարությունը չէ, այլ ժողովուրդը: Եթե բանակցային գործընթացի ժամանակ լինի տարբերակ, որ կհամարեմ, որ դա լավ տարբերակ է, որևէ մեկը չմտածի, որ ձեզնից թաքուն որևէ թուղթ կստորագրեմ կամ գործողություն կիրականացնեմ: Դուք եք որոշելու որևէ տարբերակից շուրջ բանակցությունը»,- ասել է Նիկոլ Փաշինյանը կառավարության 100 -օրյակին նվիրված հանրահավաքին: