Նիկոլ Փաշինյանը «լուծարում է» Սամվել Շահրամանյանին (տեսանյութ) Փաշինյանական քաղցր ստերի մահաբեր հետևանքների մասին Վլադիմիր Պուտինը շատ զարմացած էր, որ Փաշինյանը Լեռնային Ղարաբաղը ճանաչեց Ադրբեջանի մաս․ Լավրով
29
102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Երևանի ավագանու «Մայր Հայաստան» խմբակցությունը Ալեք Մանուկյան—Սայաթ-Նովա խաչմերուկում է՝ ծառահատումների թեմայով (տեսանյութ) Ծառահատումներ՝ բռնությունների կիրառմամբ Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ ՀՀ-ում արգելափակվել են «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում ԵՄ առաքելությունը վերածվում է ՆԱՏՕ-ի առաքելության. Լավրով Օրակարգը մեկն է՝ հայկական պետականության փրկությունը. ՀՅԴ Բյուրո ՀՀ անվտանգության գլխավոր սպառնալիքը Ն. Փաշինյանն է, այլ ոչ թե Արցախի պետական ինստիտուտները․ Իշխան Սաղաթելյան «Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել Փաշինյանը պատրաստվում է Հայաստանի «հովանավոր» դարձնել Թուրքիային․ հետևանքը՝ ցեղասպանությունն է. Երվանդ Բոզոյան (տեսանյութ) Պատերազմ Արցախում
Նիկոլ Փաշինյանը «լուծարում է» Սամվել Շահրամանյանին (տեսանյութ) 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Երևանի ավագանու «Մայր Հայաստան» խմբակցությունը Ալեք Մանուկյան—Սայաթ-Նովա խաչմերուկում է՝ ծառահատումների թեմայով (տեսանյութ) Ռուսաստանի ԱԳՆ-ն՝ 102-րդ ռազմաբազայի և ռուս սահմանապահների Հայաստանից դուրսբերման մասին Քիչ առաջ հրավիրված էի ՔԿ կենտրոն բաժին. ինձ առաջադրվում է նոր մեղադրանք. Նարեկ Մանթաշյան Ծառահատումներ՝ բռնությունների կիրառմամբ Փաշինյանական քաղցր ստերի մահաբեր հետևանքների մասին Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի Իմ պատվից և արժանապատվությունից ցածր կլինի Ալեն Սիմոնյանին դատի տալը. Աննա Մկրտչյան. Տեսանյութ Վլադիմիր Պուտինը շատ զարմացած էր, որ Փաշինյանը Լեռնային Ղարաբաղը ճանաչեց Ադրբեջանի մաս․ Լավրով Ալենը ստում է, ստում է, ստում է, ստում է․ Գագիկ Համբարյան ՀՀ-ում արգելափակվել են «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հակաարցախյան գրոհ. ի՞նչը չի մարսել Փաշինյանը. «Հրապարակ» Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ» Արցախցիների հանրահավաքը հունից հանել է Փաշինյանին Ոսկեպարցիներն անհամբեր Փաշինյանին են սպասում Հայաստանում ԵՄ առաքելությունը վերածվում է ՆԱՏՕ-ի առաքելության. Լավրով Լևոն Քոչարյանի անունից կեղծ հայտարարություններ են տարածվում (տեսանյութ) Նիկոլը Տավուշում պատերազմ է սկսում (տեսանյութ) Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Ո՞րն է, Նիկոլ, քո հայրենիք. «Կարճ ասած» (տեսանյութ) Օրակարգը մեկն է՝ հայկական պետականության փրկությունը. ՀՅԴ Բյուրո ՀՀ անվտանգության գլխավոր սպառնալիքը Ն. Փաշինյանն է, այլ ոչ թե Արցախի պետական ինստիտուտները․ Իշխան Սաղաթելյան «Նոր ուժ». Հայկ Մարությանը կուսակցություն է հիմնում «Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել Փաշինյանի կողմնակիցներից և թիմակիցներից քանիսին դեռ կարգելեն մուտք գործել Ռուսաստան (տեսանյութ) Նիկոլ Փաշինյանի քաղաքականությունը հանգեցնում է ՀՀ-ում պետականության վերացման․ ռազմական վերլուծաբան (տեսանյութ) Որոշակի իրադարձություններ և տրամադրություններ՝ Հայաստանի էլիտաների մասով, մտահոգիչ են․ ՀԱՊԿ գլխավոր քարտուղար Կորել են բնաՊԱՀՊԱՆԱԿները, համարել անվավեր

Աշխարհը կարող է փրկել բարձր ինտելեկտը. Էդվարդ Պողոսյան

Մարդկային հարաբերությունների, գեղեցկության, նորաձևության, տարվա տենդենցների, ճաշակի մասին Zham.am -ը զրուցել է Հայաստանում Էդվարդ Պողոսյան Վարսահարդարման Միջազգային Ակադեմիայի հիմնադիր ղեկավար, OMC (Ոճաբանների համաշխարհային միություն) և աշխարհի չեմպիոն, ոճաբան, վարսահարդար, երաժիշտ Էդվարդ Պողոսյանի հետ:

- Դուք առաջին մասնագիտությամբ երաժիշտ եք:

- Առանց նոտաներ իմանալու, 5 տարեկան հասակում սկսել եմ միանգամից դաշնամուր նվագել, այդ իսկ պատճառով ինձ միանգամից ընդունել են Չայկովսկու անվան միջնակարգ մասնագիտական երաժշտական դպրոց: Ամենաբարձր գնահատականներով ընդունվել եմ, դպրոցն ավարտել եմ գերազանց, ընդունվել եմ Կոնսերվատորիա՝ ամենաբարձր ցուցանիշերով, ավարտել եմ, ընդունվել եմ ասպիրանտուրա, ավարտել եմ Կարմիր դիպլոմով և շատ եմ սիրում իմ առաջին մասնագիտությունը, ինչը ինձ օգնել է ճիշտ կողմնորոշվել երկրորդ մասնագիտության հարցում:
Վարսահարդարման արվեստով զբաղվել եմ Կոնսերվատորիայի առաջին կուրսում ուսանելու ընթացքում, սովորել եմ վարսարսահարդարում, միանգամից անցել եմ աշխատանքի:

- Կպատմեք Ձեր հաջողությունների մասին:

- Մեկ ամիս վարսահարդար աշխատելուց հետո մասնակցել եմ Հայաստանի վարսահարդարների բաց առաջնությանը, ունեցել եմ հաղթանակ, նման բաց առաջնություններում ստացել եմ 7 առաջին մրցանակ, որից հետո մասնակցել եմ Լատվիայում կայացած Եվրոպայի բաց առաջնությանը, ստացել եմ երկու առաջին մրցանակ և Եվրոպայի չեմպիոնի կոչում, դրանից հետո, 2006 թ-ին առաջին անգամ մասնակցել եմ Վարսահարդար – ոճաբանների աշխարհի առաջնությանը և մեր երկրի վարսահարդարման արվեստի պատմության մեջ առաջին բրոնզե մեդալը նվաճել եմ ես: Մինչ այդ Հայաստանը երբևէ տասնյակում չէր եղել, դա մեր առաջին համաշխարհային մրցույթի նվաճումն էր: Այնուհետև 2008 թ. Չիկագոյում OMC՝ Ոճաբանների համաշխարհային մրցույթի ժամանակ ոսկե մեդալով պարգևատրվել եմ երկրում ծավալած պրոֆեսիոնալ գործունեության համար, 2011 թ. Միլանում կայացած աշխարհի բաց առաջնությանը գրավել եմ առաջին մրցանակ՝ դառնալով աշխարհի բացառիկ չեմպիոն, 2014 թ. մասնակցել եմ Փարիզում կայացած «Լավագույն ոճաբան » մրցույթին և դարձել եմ աշխարհի լավագույն ոճաբան՝ ստանալով ոսկե մեդալ և գրավելով առաջին տեղը:

Ներկայացնեմ, OMC -ին ոճաբանների համաշխարհային միությունն է, որը ընդգրկում է վարսահարդարում՝ ոճաբանական տեսանկյունից, դիմահարդարում և մատնահարդարում, սա աշխարհում ամենահեղինակավոր կազմակերպությունն է, որը ունի պետական ուժ, որը իրավունք է տալիս անցկացնել աշխարհի, եվրոպայի առաջնությունները, ստեղծել նորաձևություն, ինչպես նաև վարել դասընթացներ, որոնք իրականանում են կամ OMC դպրոցի, կամ OMC ակադեմիայի շրջանակներում: Հաշվի առնելով, որ OMC -ն ամենահեղինակավոր կազմակերպությունն է, ունենալով ակադեմիա, ուզում էի, որ այն ընդգրկվի OMC միջազգային կազմակերպության ցանկում, դիմեցի այդ կազմակերպությանը և իմ հայտը ընդունվեց: Այսօր իմ ակադեմիան գործում է OMC միջազգային ծրագրերի շրջանակում, ինչը հնարավորություն է տալիս իմ ուսանողներին սովորել միջազգային , համաշխարհային ուղղություններով և ուսման ավարտին ստանալ միջազգային սերտիֆիկատ, որը նրանց հնարավորություն կտա աշխատել տարբեր երկրներում: Այդ լիցենզիան ես ստացա իմ մասնագիտական նվաճումների հիման վրա:

- Ինչպե՞ս եք հաղթահարում դժվարությունները:

- Այդքան էլ չեմ մտածում դժվարություններ հաղթահարելու մասին, որովհետև ես ունեմ իմ ծրագիրը, իմ միտքը, երբ ինչ- որ բան պլանավորում եմ, շատ դեպքերում է իմ պլանավորածը կատարվում, ես կարծում եմ, որ եթե մարդն առաքելությամբ է աշխարհ գալիս և ունի ծրագիր, և նա իր մտքով հզոր է, ապա կկարողանա հաղթահարել բոլոր դժվարություններն ու խոչընդոտները: Իհարկե դրանք կան և միշտ էլ կլինեն, բայց երբևէ ինձ չեն խանգարել, որ ես գտնվեմ իմ մասնագիտական բարձունքին:

- Կա արդյոք մարդկային տեսակ, ում հետ դժվարանում եք աշխատել:

- Ես աշխատում եմ տարբեր մասնագիտությունների մարդկանց հետ: Նրանք տարինեի ընթացքում իրենք են ընտրում իրենց սպասարկող մասնագետին, հաճախորդն ինքն է ընտրում, և ժամանակի ընթացքում ձևավորվում է քո մարդկային տեսակին բնորոշ հաճախորդների մարդկային տեսակ, և ստացվում է աշխատանք՝ մեկը մյուսին լրացնելով, իմ դեպքում սա հենց վարսահարդարման արվեստն է: Մասնագիտական առումով պետք չէ առանձնացնել մարդկային տեսակը, պետք է սպասարկել միանման, ժամանակի ընթացքում մարդիկ իրենք են գտնում իրենց տեսակին բնորոշ վարսահարդարին: Եթե հաճախորդը վստահում է ինձ, իմ հմտություններին, ես կարևորում եմ նրա ցանկությունը, փորձում եմ հասկանալ նրա հոգեբանական վիճակը, հասկանալ մասնագիտությունը, տեսնել նրա արտաքին տվյալները և որոշել, թե ինչ սանրվածք կսազի նրա ես-ին:

- Խորհուրդներ տալի՞ս եք:

- Այո, խորհուրդներ տալիս եմ, և այն մարդիկ ովքեր հետևում են խորհուրդներին, նրանց մոտ ավելի գեղեցիկ են վարսերը, որովհետև կարողանում են տնային պայմաններում ճիշտ խնամք տանել, ճիշտ նյութեր օգտագործել, պահպանել մազերի գույնը, պահպանել ամենօրյա սանրվածք կրելու մաքրությունը, ինչը շատ կարևոր է, որովհետև սանրվածքը պետք է լինի շատ մաքուր և համեստ:

- Հասարակական կյանքը Ձեզ հետաքրքրո՞ւմ է: Կառանձնացնեի՞ք մի բան, որ կուզենայիք փոխել աշխարհում կամ մեր երկրում:

- Քանի որ շատ ծանրաբեռնված եմ իմ մասնագիտությամբ, շատ ժամանակ չեմ ունենում հետաքրքրվելու հասարակական կյանքով, ինչքան որ հասցնում եմ, փորձում եմ հետաքրքրվել, բայց ավելի շատ օրս անց եմ կացնում այս մասնագիտության շրջանակներում, ինչպես նաև հետևում եմ միջազգային նորություններին: Կուզենայի մեր երկրում մի փոքր փոխվեր մարդկային մտածելակերպը, կուզենայի, որ ինձ շրջապատող մարդիկ ավելի շատ ինտելեկտուալ լինեին, թեպետ չեմ բողոքում, մեծ մասամբ այդպես է, բայց այն փոքր զանգվածն էլ, կուզեի, որ ավելի խելացի մտածեին, որովհետև մարդկային հարաբերություններում մարդու խելքը, նրա ինտելեկտը բերում են սահուն մարդկային կյանքի, դրական լիցքերի:

- Կծանոթացնեք այս տարվա տենդենցներին, առհասարակ, ինչպես պետք է հետևել մոդային:

- Նորաձևությունը դարաշրջանի գաղափարախոսությունն է, այն ծագում է տվյալ երկրի սոցիալական, և այլ հարցերի հիման վրա, դա տվյալ տարածաշրջանի հոգեվիճակն է: Նաև բնությունը մեծ դեր ունի մոդայի տենդենցներում, տարվա 4 եղանակներին հետևելով ավելի մոտ ենք գտնվում տվյալ եղանակին, ընտրում ենք այդ եղանակին բնորոշ երանգներ: Սանրվածքներն էլ են ինչ – որ տեղ եղանակների արտացոլանքը:
Կառանձնացնեմ տենդենցները, սակայն ասեմ, որ ամեն մարդ ըստ իր արտաքին տվյալների և մասնագիտության պետք է հետևի այդ տենդենցներին, որովհետև եթե այն չի համապատասխանում իրեն, պետք չէ կրել այն, ինչ նորաձև է, կարելի է ուղղակի ստեղծել սեփականը կամ որոշակի մասնկիկներ վերցնել:
Նորաձև են երկրաչափական սանրվածքները, միջին չափի կտրվածքները, նորաձև են սառը գույները, որոնք համադրվում են մուգ, բաց և վառ մանուշակագույնի սահուն անցումներով, նորաձև են մաքուր և համաչափ ձևավորված վարսերը: Ոչ մի արտառոց սանրվածքով այլևս ոչ ոքի չես զարմացնի, և պետք չէ առօրյայում կրել այնպիսի սանրվածքներ, որոնք կրում են հոլիվուդյան աստղերը, դա շատ ծիծաղելի է դիտվում: Պետք չէ Գրեմմիի կամ Օսկարի մրցանակաբաշխությունից վերցնել կերպարներ և առօրյայում նրանց հետևելով սանրվածքներ կրել, ես կարծում եմ, որ ավելի լավ է մարդ ինքը լինի անհատ, քան լինի որևիցե մի աստղի կրկնօրինակ, այստեղ մարդ կոցնում է իր անհատականությունը:

- Ձեր կարծիքով ճաշակը ձևավորվո՞ւմ է, թե դա ի ծնե տրված շնորհ է:

- Եթե խոսենք բարձր ճաշակի մասին, կարծում եմ որ այն ինչ – որ տեղ տրվում է ի ծնե: Դա մարդու ներաշխարհի արտացոլանքն է: Ճաշակը, այո, կարող է ձևավորվել կյանքի ընթացքում, հասարակությունը, շրջակա միջավայրը ինչ – որ տեղ կարող են առիթ հանդիսանալ ճիշտ ճաշակի դրսևորման համար: Եթե այդ միջավայրը թելադրում է ճիշտ ճաշակ, մարդ կարող է Ճիշտ ձևով դաստիարակվել, ունենալ ձեռքբերովի ճաշակ: Բայց կարծում եմ, ի ծնե ճաշակով ծնված մարդիկ դրանք տաղանդավոր մարդիկ են, որոնք կարող են մյուսներին թելադրել ճաշակ:

- Բնությանն ինչպե՞ս եք վերաբերվում:

- Առաջին դրական լիցքերը ինձ օրվա մեջ կարող է հաղորդել բնությունը: Ես շատ եմ սիրում բուսականություն, կենդանիներ, ունեմ բույսեր, սիրում եմ խնամել այդ բույսերը և ամենամեծ էներգետիկան ստանում եմ այդ բույսերից:

- Ի՞նչ եք սիրում լսել, Դուք երաժիշտ եք:

- Շատ երաժիշտներ կան, որոնց սիրում եմ և լսում եմ, ուղղակի բոլորին չեմ նշի, բայց կառանձնացնեմ նրանց, ում հաճախ եմ լսում. կատարողներ Նիկոլայ Լուգանսկի, որի կատարմամբ լսում եմ Ռախմանինովի տարբեր ստեղծագործություններ, Մարթա Արգերիխին եմ լսում, Մարիա Պիա Ջորասին եմ լսում, կան էլի սիրելի կատարողներ:

- Ի՞նչն եք սիրում ինքներդ Ձեր մեջ:

- Չեմ ուզի առանձնացնել ինչ – որ բան, որովհետև ես միշտ թերագնահատում եմ իմ կողմերը, չնայած որ մարդկանցից շատ գովասանքների եմ արժանանում իմ մարդկային կողմերի համար, ճշտապահության, և այլ հարցերում, բայց ասեմ, որ իմ մեջ մի թեթև փորձում եմ հասկանալ կատարելության հասնելու միտքը, որը մինչև վերջ չեմ հասկանում: Անգամ այն դեպքերում, երբ աշխարհի մրցույթներում ստացել եմ առաջին մրցանակ և աշխարհի չեմպիոնի կոչում, ես թերագնահատել եմ իմ աշխատանքները: Դա ինձ հնարավորություն է տալիս միշտ արարել և միշտ շարժվել առաջ:

- Դուք արվեստի մարդ եք, ինքներդ Ձեզ համարո՞ւմ եք այդպիսին:

- Այո, ես արվեստի մարդ եմ, որովհետև հինգ տարեկանից զբաղվում եմ արվեստով, երաժշտությամբ, ինչպես նաև իմ երկրորդ մասնագիտությունը համաշխարհային մակարդակով կոչվում է վարսահարդարման արվեստ: Այո, ես ստեղծում եմ արվեստի գործեր, որոնք ինչ – որ տեղ տենդենցներ են, որ արժանանում են համաշխարհային մրցանակների, հանդիսանում են հիմք՝ վարահարդարման արվեստի ուղղություններում, ինչի վկան է OMC համաշխարհային կազմակերպության կողմից ստեղծված մի քանի գրքեր, որտեղ իմ աշխատանքները ներկայացված են անգամ շապիկին: Իսկ այդ գրքերը համարվում են համախարհային ակադեմիաների սրահների համար նախատեսված առաջնային ձեռնարկներ:

- Ինչ եք կարծում, … գեղեցկությունը, ինչ է, իրո՞ք կարող է փրկել աշխարհը:

- Իմ կարիքով, մարդու ինտելեկտի շնորհիվ է, որ կյանքը կարող է սահուն ընթանալ, կարծում եմ, աշխարհը կարող է փրկվել մարդու ինտելեկտով: Իսկ եթե կա բարձր ինտելեկտ, կա նաև գեղեցկություն. այն կարելի է ավելի զարգացնել, կարելի է, ցավոք, նաև ավելի փչացնել:

Հ.Գ. Էդվարդ Պողոսյան Վարսահարդարման Միջազգային Ակադեմիային և նրա առաջարկած ծառայություններին կարող եք ծանոթանալ՝ դիմելով Ձորափի 40 հասցեով, հեռախոս՝ +374 93 558 110, կարող եք ծանոթանալ նաև հետևելով հղումներին. 

https://www.facebook.com/edvardpoghosyanshairacademy/

https://www.instagram.com/edvardpoghosyanhairacademy/

 

Մ. Ղևոնդյան

Zham.am

 

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/ZhamLratvakan