Նեղացկոտ էֆենդին արգելել է Վլադիմիր Սոլովյովի հաղորդաշարի հեռարձակումը Հայաստանում. Մարգարիտա Սիմոնյան
RT հեռուստաալիքի գլխավոր խմբագիր Մարգարիտա Սիմոնյանն արձագանքել է Հայաստանում «ՌՏՌ-Պլանետա» հեռուստաալիքով հեռարձակվող «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հեղինակային հաղորդումների հեռարձակումն արգելափակելու որոշմանը: «Նեղացկոտ էֆենդին արգելել է «Երեկոն Վլադիմիր Սոլովյովի հետ» հաղորդաշարի հեռարձակումը Հայաստանում։
Նա իշխանության էր գալիս «խոսքի ավելի շատ ազատություն» կարգախոսներով. խոսքի ազատությունն ավելի քչացել է: Եվ Ղարաբաղի հարցում էլ անհարմար ստացվեց: Ինչո՞ւ բոլոր ազատասերները, երբ գալիս են իշխանության, պարզվում է՝ բռնապետներ են ու նեղացած մարդիկ։ Առեղծված է»,- գրել է նա: