Այս տարի տարկետման իրավունքով անվճար տեղերը հիմնականում զբաղեցրել են տղաները
«Հայկական ժամանակ» թերթը գրում է. «Շրջանառվող տեղեկությունների համաձայն, այս տարի պետական բուհերում հատկացված տարկետման իրավունքով անվճար տեղերը հիմնականում զբաղեցրել են տղաները: Խոսվում է, որ դրա հեռահար նպատակներից մեկը պետք է լինի՝ գոնե միառժամանակ խուսափել պարտադիր ժամկետային զինծառայությունից:
Մի շարք բուհ-եր ուղղված մեր հարցումները, սակայն, ցույց տվեցին, որ, ամեն դեպքում, վիճակագրությունը չի վկայում նման երևույթի ցայտուն դրսևորման մասին, որոշ բուհերում անգամ հակառակ պատկերն է: Իսկ, օրինակ, Երևանի պետական համալսարանում այդ առումով առկա պատկերը մնաց անհայտ:
Մայր բուհից միայն ասացին, որ բակալավրական կրթական ծրագրով անվճար ուսուցման համակարգում 52 մասնագիտությունների գծով ընդունվել է 420 դիմորդ: Թե նրանցից քանիսն է տղա և քանիսը աղջիկ, չմանրամասնեցին: Պատճառաբանեցին, որ այդպիսի վիճակագրություն չունեն»,-գրում է թերթը:
Առավել մանրամասն՝ «Հայկական ժամանակ» թերթի այսօրվա համարում: